● ခရစ်တော်၌ ရှင်သန်ကြီးထွားခြင်းနှင့် အမှုတော်မြတ်အတွက် ပြင်ဆင် ဆက်ကပ်ခြင်း ..

နိဒါန်း။

ခရစ်ယာန် ဘယ်လို ဖြစ်လာ တာလဲ၊ အချို့က ဘိုးဘွား ဘီဘင် ကတည်းက ခရစ်ယာန်တွေ ဖြစ်လို့ ခရစ်ယာန် ဖြစ်လာတာ၊ တချို့ ကြတော့ အိမ်ထောင် ပြုလို့ ခရစ်ယာန် ဖြစ်လာတာ၊ အချို့ကြတော့ ဧဝံဂေလိ တရားကြောင့် ခရစ်ယာန် ဖြစ်လာ တာ ဆိုပြီး မတူ ကွဲပြားတဲ့ ပုံစံတွေ  အများကြီး တွေ့ရပါ လိမ့်မယ်။ အရေးကြီး တာက သင် ဘယ်ပုံ ဘယ်နည်းနဲ့ ခရစ်ယာန် ဖြစ်လာတာလဲ (ခရစ်ယာန် အသက်တာကို ရရှိခဲ့ တာလဲ)။ သမ္မာကျမ်းစာထဲမှာ (တမန် ၁၁း၂၆)| “ခရစ်ယာန်” ဆိုတဲ့ ဝေါဟာရဟာ ခရစ်တော်ရဲ့ သွန်သင်ချက် အတိုင်း လိုက်လျှောက် အသက်ရှင် သူတွေကို တပါးသူတွေက မှဲ့တွင် ခေါ်ဆိုတဲ့ နာမ်မည် ဖြစ်ပါတယ်။ အဓိပ္ပါယ်က “ခရစ်တော်ရဲ့ နောက်လိုက်” (Follower of Christ) လို့ အဓိပ္ပါယ် ရပါတယ်။

ဘွဲ့နဲ့ ရာထူး ဆိုတာ ဂုဏ်အရှိန် အဝါကို ထုတ်ဖေါ် ပြသတာထက် အရည်အချင်းကို ရည်ညွှန်း တာဖြစ် သလို၊ ခရစ်ယာန် ဆိုတဲ့ နာမ်မည်ထက် ခရစ်ယာန် ဆိုတဲ့ နာမ်မည်နဲ့ ထိုက်တန်တဲ့ အသက်ရှင်မှု စံနှုန်းတွေနဲ့ ပြည့်မီ နေဖို့က ပိုပြီး အရေးကြီးလှ ပါတယ်။ ကနဦး အသင်းတော် ခေတ်ကာလ တုန်းက ဘိုးဘေးတွေ ဘယ်လိုပုံစံနဲ့ ခရစ်ယာန် ဖြစ်လာ ကြသလဲ၊ ဓမ္မသစ်ကျမ်း ထဲမှာ တွေ့နိုင် ပါတယ်။ ခရစ်ယာန်လို့ အခေါ်ခံရယင် (သို့) အခေါ်ခံချင်ယင် ကိုယ့်မှာ ဒီနာမ်မည်နဲ့ ထိုက်တန်တဲ့ အသက်တာမျိုး ရှိနေဖို့ လိုပါတယ်။

သင် ဘယ်လို နည်းနဲ့ဘဲ ဖြစ်လာဖြစ်လာ သင့်အသက် တာမှာ အောက်ပါ အချက်တွေနဲ့ ပြည့်စုံ ခဲ့ရဲ့လားလို့ ကိုယ့်ကိုယ်ကို မေးသင့် ပါတယ်|-

(၁) ကိုယ့်ကိုယ်ကို အပြစ်သား ဖြစ်ကြောင်း အမှန်တကယ် သိပြီး ဝန်ခံခဲ့ရဲ့လား၊-

(၂) ကိုယ့်လုပ်ခဲ့တဲ့ အပြစ်တွေ အတွက် အမှန်တကယ် နောင်တရ ခဲ့ရဲ့လား၊-

(၃) အဲဒီအပြစ် တွေကို တကယ်ဘဲ ရွံရှာ ခဲ့ရဲ့လား၊-

(၄) သေခြင်း တရားကြောင့် မိမိဟာ အပြစ်တရားရဲ့ ကျေးကျွန်ဖြစ်ကြောင်း လုံး၀ သဘောပေါက် ခဲ့ရဲ့လား၊-

(၅) အပြစ်ကျေးကျွန် ဘဝကနေ လုံး၀ လွှတ်မြောက်လိုစိတ် ပြင်းပြ ခဲ့ပါရဲ့လား၊-

(၆) ကိုယ့်အပြစ်တွေကို ခရစ်တော် ယေရှုထံ နောင်တစိတ်နဲ့ တိုးဝင်ချဉ်းကပ် ဝန်ချတောင်းပန် ပြီးပြီလား၊-

(၇) ခရစ်တော်ယေရှုဟာ ကိုယ့်ဘဝကို အပြစ်ထဲက ကယ်တင်ပေးတဲ့ ကယ်တင်ရှင် အဖြစ် လက်ခံပြီးပြီလား၊-

(၈) ခရစ်တော်ရဲ့ စကားတော်ကို နာခံလိုက်လျှောက်တဲ့ အသက်တာသစ်နဲ့ အစပြု အသက်ရှင် ခဲ့ပါသလား၊-

(မှတ်ချက်|- ဒီအချက် တွေဟာ ဒုတိယမွေးခြင်း ခံယူမယ့်သူရဲ့ ရှေ့ပြေး ဆောင်ရွက် ရမယ့် အချက်တွေ ဖြစ် သလို၊ နှစ်ခြင်းဆရာ ယောဟန် အနေနဲ့ စိတ်ပြောင်း လဲပြီးတဲ့၊ နောင်တရ ဝန်ခံပြီးတဲ့ သူတွေကိုပဲ နှစ်ခြင်း မင်္ဂလာ ပေးခဲ့သလို၊ နှစ်ခြင်း အသင်းတော်တွေ အနေနဲ့လည်း ဒီအတိုင်းပဲ ကျင့်သုံးနေတာ ဖြစ်ပါတယ် (မသဲ ၃၊ ၅-၈)။ (တနည်း ပြောရယင် နှစ်ခြင်းမင်္ဂလာ ခံယူလို့ ခရစ်ယာန် ဖြစ်လာတာ မဟုတ်ပါဘူး၊ ခရစ်ယာန် ဖြစ်လို့၊ ပြောင်းလဲ ပြီးလို့၊ နောင်တရ ပြီးလို့သာ နှစ်ခြင်းမင်္ဂလာ ခံယူတာ ဖြစ်ပါတယ်)။ (မသဲ ၃၊ ၁-၁၁)| “ငါသည် နောင်တ အဘို့ အလိုငှါ သင်တို့ကို ရေနှင့် ဗတ္တိဇံ ပေး၏။” နှစ်ခြင်း ဆရာယောဟန် ပြောတဲ့၊ နောင်တနဲ့ ဆိုင်တဲ့ ဗတ္တိဇံ တရားဖြစ် ပါတယ်။ ဒီလို ဖြစ်လာဖို့- မိတ်ဆွေနဲ့ ခရစ်တော်ယေရှု နဖူးတွေ့ ဒူးတွေ့ ကြုံတွေ့ဖို့ လိုပါတယ်။

ဒုတိယမွေးခြင်းကိုခံသော ခရစ်ယာန်ဟူသည်

ဒုတိယ မွေးခြင်းကို ခံသော ခရစ်ယာန်ဟူသည် အဘယ်နည်း။ ဤမေးခွန်းကို ယောဟန် ၃၊ ၁-၂၁ မှာ ဖော်ပြ ထားတဲ့ အရေးကြီးတဲ့ အကြောင်းအရာနဲ့ ဖြေဆိုနိုင်ပါသည်။ ထင်ပေါ် ကျော်ကြားတဲ့ ဖာရိရှဲ၊ စိန်ဟဲဒရင် အဖွဲ့ဝင် ဖြစ်တဲ့ (ယုဒလူတို့တွင်အရာရှိ) နိကောဒင်နဲ့ သခင်ယေရှု ခရစ်တော် မျက်နှာချင်းဆိုင် စကားပြောခဲ့ ပါတယ်။ နိုကောဒင်က ညည့်အချိန်မှာ သခင်ယေရှုဆီ လာခဲ့ပါတယ်၊ မေးခွန်း မေးမြန်းဖို့ လာခဲ့တာ ဖြစ်ပါတယ်။ သခင်ယေရှုက နိကောဒင်အား ဤသို့ပြောခဲ့သည်။

ဒုတိယ မွေးခြင်းကို မခံသော သူမည်သည်ကား ဘုရား သခင်၏ နိုင်ငံတော်ကို မမြင်ရဟု ငါအမှန်အကန် ဆိုသည်။ နိကောဒင်ကလည်း အသက်ကြီးသော သူသည် မွေးခြင်းကို အဘယ်သို့ ခံနိုင်ပါမည်နည်း။ အမိဝမ်းထဲသို့ တဖန်ဝင်၍ မွေးခြင်းကို ခံနိုင်ပါမည်လောဟု လျှောက်၏။ ယေရှုကလည်း ရေနှင့် ဝိညာဉ်တော် မမွေးသောသူ မည်သည်ကား ဘုရားသခင်၏ နိုင်ငံတော်သို့မဝင်ရဟု ငါအမှန်အကန်ဆို၏။ ဇာတိပကတိ မွေးသောအရာသည် ဇာတိပကတိဖြစ်၏။ ဝိညာဉ်တော် မွေးသော အရာသည် ဝိညာဉ်ဖြစ်၏။ ဒုတိယမွေးခြင်း ကိုခံရမည်ဟု ငါပြောသည်ကို အံ့သြခြင်းမရှိနှင့် ……….“ (ယောဟန်၃၊ ၃-၇)

ဒုတိယ မွေးဖွားခြင်း ဆိုတဲ့ စကားစုဟာ ဝိညာဉ်တော်အားဖြင့် မွေးဖွားခြင်းကို ဆိုလိုပါတယ်။ နိကောဒင်ဟာ ဒုတိယ မွေးဖွားခြင်းခံဖို့ တောင့်တခဲ့သူ ဖြစ်ပါတယ်။ နိကောဒင် အနေနဲ့ သူ့ရဲ့နှလုံးသား ပြောင်းလဲဖို့ လိုအပ်ပါတယ်။ အသစ်သော မွေးဖွားခြင်း၊ ဒုတိယအကြိမ် မွေးဖွားခြင်းဆိုတာ ယုံကြည်တဲ့ သူတွေကို ထာဝရအသက် ပေးအပ်တဲ့ ဘုရားသခင်ရဲ့ လုပ်ဆောင်ချက် ဖြစ်ပါတယ်။ တနည်းအားဖြင့် ယုံကြည်တဲ့ သူတွေကို ထာဝရအသက် ပေးတာ ဖြစ်ပါတယ်။ (၂ကော ၅၊ ၁၇။ တိတု ၃၊ ၅။ ၁ပေ ၁၊ ၃။ ၁ယော၊ ၂၊ ၂၉။ ၃၊ ၉။ ၄၊ ၇။ ၅၊ ၁-၄။ ၊၁၈)။ ဒုတိယ မွေးခြင်းဟာ ယေရှုခရစ်တော်၏  နာမတော်ကို ယုံကြည်လို့ ဘုရားသခင်ရဲ့ သားဖြစ်ရတဲ့ အခွင့်ထူးကို ရရှိတာ ဖြစ်တယ်လို့ (ယောဟန် ၁၊ ၁၂-၁၃) ထဲမှာ ဖေါ်ပြ ထား ပါတယ်။

လူတစ်ယောက်ဟာ ဘာကြောင့် ဒုတိယမွေးခြင်းခံဖို့ လိုအပ် ရတာလဲ။” ဆိုတဲ့ အတွေးအခေါ် တစ်ရပ် ပေါ် ထွက်လာ ပါတယ်။ တမန်တော်ပေါလုက (ဧဖက်၂၊ ၁) ထဲမှာ “ထိုဒုစရိုက် အပြစ်၌ သေလျက်ရှိ သော သင်တို့ကိုပင် ဘုရားသခင်သည် အသက်ရှင် စေတော်မူပြီ” လို့ ဖော်ပြထားပါတယ်။ ရောမမြို့မှာ ရှိတဲ့ ယုံကြည် သူတွေဆီ“အဘယ့် ကြောင့်နည်း ဟူမူကား လူအပေါင်း တို့သည် ဒုစရိုက်ကိုပြု၍ ဘုရား သခင်ရှေ့ တော်၌ အသားရေ ပျက်ကြပြီ”(ရောမ၊၃၊ ၂၃)လို့ တမန်တော်က ဆိုထားပါတယ်။ ဒါကြောင့် လူတစ်ယောက် အပြစ် လွှတ်ခြင်း အခွင့် ရရှိဖို့နဲ့ ဘုရားသခင်နဲ့ မိတ်သ ဟာရဖွဲ့ဖို့ အခွင့် အရေး ရရှိဖို့အတွက် ဒုတိယ မွေးခြင်းခံဖို့ လိုအပ်ပါတယ်။

ဒုတိယ မွေးခြင်း ဘယ်လို ခံရမှာလဲ။ ဧဖက် ၂၊ ၈-၉ မှာ ”ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းသို့ရောက်ရ၏။ ကိုယ်အလိုအလျောက်ရောက်သည်မဟုတ်၊ ဘုရားသခင်သနားတော်မူရာ ဖြစ်သတည်း။ ကိုယ်ကုသိုလ်ကြောင့် ကယ်တင်တော်မူခြင်းကို ရောက်သည်မဟုတ်။ သို့ဖြစ်၍ အဘယ်သူမျှ ဝါကြွား စရာအခွင့်မရှိ။ လို့ ဖေါ်ပြ ထားပါတယ်။ လူတစ်ယောက် ကယ်တင်ခြင်း ခံရပြီးဆိုတာနဲ့ ဒုတိယ မွေးခြင်း ကိုရရှိပြီး၊ သန့်ရှင်းသော ဝိညာဉ်တော်ရဲ့ အသစ် ပြုပြင်ခြင်းကို ခံရခြင်း၊ အသစ် မွေးဖွားခြင်း ခံရခြင်းကြောင့့်် ဘုရားသခင်၏ သားသမီး ဖြစ်ခွင့်ကို ရရှိစေပါတယ်။ အဲဒီကနေ တဆင့် ကြီးထွား ရှင်သန်ဖို့ လိုလာပြန်တယ်။

ဥပမာ|- တမန် တော်ကြီး ရှင်ပေါလုရဲ့ ဘုရားသခင်နဲ့ နဖူးတွေ့ ဒူးတွေ့ သိကျွမ်းခဲ့သော အသက်တာ

(၁) ဘုရားသခင်ရဲ့ ဆုံးမခြင်း ခံရ၊-

(၂) နောင်တရခြင်း၊ ဝန်ခံခြင်း၊ ယုံကြည်ခြင်း၊အသက်တာပြောင်းလဲခြင်း၊-

(၃) ဗတ္တိဇံခံယူခြင်း၊-

(၄)သန့်ရှင်းသောဝိညာဉ်တော်ခံရခြင်း၊-

ဒီအချက်တွေ ကိုယ့်အသက် တာမှာ ပြည့်စုံပြီ ဆိုယင်တော့ ၊ ခရစ်ယာန်ဘ၀ အစကို ရရှိပြီလို့ သတ်မှတ် နိုင်ပါ တယ်။ ဒီအချက်တွေ ပြည့်စုံလာတဲ့ ပုံစံချင်း၊ အချိန်၊ အကြောင်းတရားတွေချင်း တစ်ယောက်နဲ့ တစ်ယောက် တူကြမှာတော့ မဟုတ်ဘူး။ အချို့က ခရစ်တော်ကို ရှာရင်း တွေ့တယ်၊ အချို့ကြတော့ ခရစ်တော် ကိုယ်တိုင်က ရွေးကောက် တာလည်း ရှိတယ်။ အချို့ကြတော့ တမဟုတ်ချင်း ပြောင်းလဲ သွားတာမျိုး ရှိသလို၊ အချို့တွေ ကြတော့လည်း ဖြေးဖြေးချင်း ပြောင်းလဲတယ်။ အခြား ပြောင်းလဲတဲ့ ပုံစံတွေ အများကြီး ရှိပါတယ်။ ဘယ်ပုံစံနဲ့ ဘဲပြောင်းလဲ ပြောင်းလဲ၊ အထက်က (၈)ချက်နဲ့ ပြည့်စုံ တဲ့သူ ဖြစ်ဖို့ အရေးကြီး ပါတယ်။

ဒါကို ဒုတိယ မွေးခြင်း လို့ဆိုပြီး၊ အဲဒီ အချက်တွေနဲ့ ပြည့်စုံတဲ့ သူတွေကိုမှ “ရေနှစ်ခြင်းမင်္ဂလာ” ပေးကြပါတယ်။ အဓိပ္ပါယ်က ရေနှစ် ခြင်း မင်္ဂလာ ခံယူလို့ ပြောင်းလဲ တာမဟုတ်ဘဲ၊ ပြောင်းလဲပြီးတဲ့သူ၊ ယုံကြည်ပြီးတဲ့ သူကိုသာ ရေနှစ်ခြင်း မင်္ဂလာပေး တာဖြစ်ပါတယ်။

ကျွန်ုပ်တို့ ဘယ်ပုံ ဘယ်နည်းနဲ့ ခရစ်ယာန် ဖြစ်လာ ကြတာလဲ? ကိုယ့်ကိုယ်ကို ပြန်မေးကြည့် ကြရအောင်။ အဆင့်နဲ့ ပြောရယင် ဒီအဆင့်ဟာ ခရစ်ယာန် အသက်တာရဲ့ အစလို့ ဆိုနိုင်သလို၊ ဒုတိယ မွေးခြင်း (Born again) အသက်တာ လို့လည်း ပြောလို့ရပါတယ်။

လောကမှာ သက်ရှိ မှန်ယင် ရှင်သန်ခြင်း ရှိသလို၊ ကြီးထွားခြင်း လည်းရှိပါတယ်။ ရှင်သန် နေကြောင်းကို ကြီးထွားခြင်းနဲ့ သက်သေ ပြနိုင်သလို၊ ကြီးထွား နေပါတယ် ဆိုတာကလည်း သူရှင်သန် နေကြောင်းကို ထေက်ပြ နေတာ ဖြစ်ပါတယ်။ ဒီလိုဘဲ ခရစ်ယာန် အသက်တာဟာ ဒုတိယမွေးခြင်း ဆိုတဲ့ အရွယ်မှာဘဲ ရပ်တန့် နေတဲ့ အသက်တာ မဟုတ်ပါဘူး။ ကလေး တစ်ယောက် မွေးကင်းစအရွယ် ကနေ ကြီးထွား မလာဘဲ ဒီအတိုင်း ဒီအတိုင်းပဲ ရှိနေ ပါ့မလား၊၊ အသက်တာ ဆိုတာ တစ်နေ့ထက် တစ်နေ့ ကြီးထွား နေရမှာ ဖြစ်ပါတယ်။ ဒါကြောင့် ခရစ်ယာန် ဖြစ်လာယင် ကိုယ့်ရဲ့ ခရစ်ယာန် အသက်တာ အစဉ် ကြီးထွား ရှင်သန်နေဖို့ သိပ်ကို အရေးကြီးပါတယ်။

(ဧဖက် ၄၊ ၁၃-၁၅)မှာ|-

ငါတို့ရှိသမျှသည် ယုံကြည်ခြင်း သို့၎င်း၊ ဘုရားသခင်၏ သားတော်ကို သိကျွမ်းခြင်း သို့၎င်း၊ တညီတ ညွတ် တည်း ရောက်၍၊ ခရစ်တော်၏ ပြည့်စုံခြင်း ပမာဏအရပ် တည်းဟူသော ကြီးရင့်သော လူ၏အဖြစ် သို့ ရောက်ကြ သည်တိုင်အောင် ဖြစ်သတည်း။ အကြောင်းမူကား သူတပါးတို့သည် လူပရိယာယ်နှင့် အပြစ် သို့ သွေးဆောင် ခြင်းငှါ လှည့်ဖြား ပြောဆို သဖြင့်၊ ငါတို့သည် နောက်တဖန် ခပ်သိမ်းသော သြဝါဒလေ တိုက်၍ ဖရိုဖရဲ့ လွင့်သွား သောသူငယ် မဖြစ်ဘဲလျက်၊ မေတ္တာစိတ်နှင့် သမ္မာတရားကို ဟောပြောသဖြင့်၊ ဦးခေါင်း တည်း ဟူသော ခရစ်တော်မှာ အရာ အရာ တို့၌ ကြီးပွါးကြမည် အကြောင်း တည်း။

ခရစ်ယာန်အသက်တာ ရှင်သန်ကြီးထွားဖို့|-

(၁) ယုံကြည်ခြင်း

(၂) ဘုရားသခင်၏ သားတော်ကို သိကျွမ်းခြင်း

နှစ်ရပ်ဟာ အရေးကြီးတဲ့ အုပ်မြစ်တွေဘဲ ဖြစ်သလို၊ “တညီတညွတ်တည်းရောက်၍” လို့ဖေါ်ပြ ထားတဲ့ အတွက်၊တစ်ခုနဲ့ တစ်ခု အပြန် အလှန် ကိုင်းကျွန်းမှီ ကျွန်းကိုင်းမှီ နေသလို၊ မျှတမှု ရှိနေဖို့လည်း လိုပါတယ်။ ခရစ်ယာန် ဆိုတဲ့ ခရစ်တော်ရဲ့ တပည့်တော် ဖြစ်ခြင်းဟာ၊ Faith ဆိုတဲ့ ယုံကြည်မှုနဲ့ အခြေခံ တည်ဆောက် ထားတဲ့၊ အဆောက်အဦ ဖြစ်ပါတယ်။ တနည်းပြောရယင် Faith ယုံကြည်ခြင်း မရှိဘဲ ခရစ် ယာန် (ခရစ်တော်ရဲ့ တပည့်) မဖြစ်ပါဘူး၊ ဖြစ်လို့ မရပါဘူး။ ယုံကြည်ခြင်းလို့ ပြောယင်၊ ဘာကိုယုံ တာလဲ၊ ဘယ်လို ယုံတာလဲ ဆိုတာ ကလည်း အရေးကြီးသလို၊ ခိုင်မြဲသထက် ခိုင်မြဲတဲ့ ယုံကြည်ခြင်း ဖြစ်ဖို့ ရှင်သန် ကြီးထွားနေတဲ့ ယုံကြည်ခြင်း ဖြစ်အောင် ပျိုးထောင် ပြုစုတာတွေ အဆက် မပြတ် လုပ်ဆောင် ရမှာဖြစ် ပါတယ်။ ရှင်သန်ကြီး ထွားတဲ့ ယုံကြည် ခြင်းဖြစ်ဖို့၊ ကိုယ့်ဘ၀ ကိုယ့်အသက် တာကို ခရစ်တော်နဲ့ နဖူးတွေ့ ဒူးတွေ့ လက်တွေ့ ကျကျ အသက်ရှင် ရမှာ ဖြစ်ပါတယ်။ နှုတ်ကပတ်တော်မှာ ယုံကြည်ခြင်းနဲ့ ပတ်သက်ပြီး ကနဦး ခရစ်ယာန်တွေ အကြောင်းကို ဖေါ်ပြ ထားပါတယ် (ဟေဗြဲ ၁၁၊)။ အဲဒီအထဲက ဂိဒေါင်ရဲ့ ယုံကြည် ခြင်း အကြောင်းကို လေ့လာကြည့် ကြပါစို့|-

ဖတ်ရန် (တရားသူကြီး ၇၊ ၁-၂၅)|- …

ရန်သူတွေကို တိုက်ဖို့ ဂိဒေါင်ကို ဘုရားလုပ်ခိုင်းတဲ့ နည်းက ကိုယ့်သေ တွင်း ကိုယ်တူး တဲ့နည်း ဖြစ်နေ ပေမယ့်၊ ဂိဒေါင်က ဘုရားခိုင်းတဲ့ အတိုင်း ယုံကြည် ခြင်းနဲ့ လုပ်ဆောင် ခဲ့တာ တွေ့ရပါလိမ့်မယ်။ ဘုရား ခိုင်းတဲ့ နည်းက လူ့အနေနဲ့ ကြည့်ယင် ဘယ်လိုမှ မလုပ်သင့် တဲ့နည်း ဖြစ်နေခဲ့ပါတယ်။ ဒါကြောင့် ရှင်သန် ကြီး ထွားတဲ့ ခရစ်ယာန် အသက်တာ ဆိုတာ..

(၁) ကိုယ့်ဆန္ဒ ကိုယ့်အလို ပြည့်ဝဖို့ ဘုရားက လုပ်ပေးမယ်လို့ ယုံကြည်ခြင်း ကို ဆိုလိုတာလား

(၂) ဘုရားရဲ့ အလိုတော် ပြည့်စုံဖို့၊ ဘုရားခိုင်းစေတဲ့ အရာကို ယုံကြည် စိတ်ချစွာနဲ့ လုပ်တာလား

ဒီနှစ်ခု ကွဲကွဲပြားပြား နားလည် သဘောပေါက်ပြီး လုပ်ဆောင် တတ်ဖို့တော့ လိုပါတယ်။

တမန်တော်ကြီးရှင်ပေါလုရဲ့အသက်တာပုံရိပ်|-

(တမန်တော် ၉၊ ၂၀-၃၁)

ယေရှုသည် ဘုရားသခင်၏ သားတော်ဖြစ် ကြောင်းကို တရားစရပ်တို့၌ မဆိုင်းမလင့် ဟောလေ၏။ ကြားသော သူအပေါင်း တို့သည် အံ့သြ၍၊ ဤသူကား၊ ထိုသခင်ကို ပဌနာပြုသော သူတို့ကို ယေရုရှ လင်မြို့၌ ဖျက်ဆီးသည် သာမက၊ ထိုသူများကို ချည်နှောင်၍ ယဇ်ပုရော ဟိတ်အကြီး တို့ထံသို့ ပို့ဆောင်ခြင်းငှါ ဤအရပ်သို့ လာသော သူဖြစ်သည် မဟုတ်လော ဟု ဆိုကြ၏။ ရှောလုသည် လည်း အားတိုး ပွားသဖြင့် ဒမာသက်မြို့၌ နေသော ယုဒ လူတို့သည် ပြောသမျှသော စကားကို ချေ၍၊ ယေရှုသည် ခရစ်တော် ဖြစ်ကြောင်းကို ထင်ရှား စွာပြ၏။ ကာလကြာ မြင့်ပြီးမှ ရှောလုကို သတ်အံ့သောငှါ၊ ယုဒလူ တို့သည် အချင်းချင်း တိုင်ပင်ကြ၏။ ထိုအကြံ အစည်ကို ရှောလု သည်သိ၏။ သူ့ကိုသတ် အံ့သောငှါ မြို့တံခါး တို့ကို နေ့ညဉ့်မပြတ် စောင့်ကြသော ကြောင့်၊ တပည့်တော် တို့သည် ညဉ့်အခါ သူ့ကိုယူ၍ တောင်း၌ ထည့်ပြီးလျှင် မြို့ရိုးပေါ်က လျော့ချကြ၏။ ယေရုရှ လင်မြို့ သို့ရောက်သော အခါ၊ တပည့်တော် တို့နှင့် ပေါင်းဘော် မည်ပြုသော်၊ သူသည် တပည့်တော် ဖြစ်ကြောင်းကို တပည့်တော် အပေါင်း တို့သည် မယုံသဖြင့် သူ့ကိုကြောက် ရွံ့ကြ၏။ ထိုအခါ ဗာနဗသည် သူ့ကိုခေါ်၍ တမန်တော် များထံသို့ ပို့ဆောင်ပြီး လျှင်၊ အထက် ကရှောလုသည် လမ်းခရီး၌ ဘုရားသခင် ကို မြင်သည် ဟူ၍၎င်း၊ သူ့အား မိန့်တော် မူသည် ဟူ၍၎င်း၊ ဒမာသက်မြို့၌ ယေရှု၏ နာမတော်ကို အမှီပြုလျက်၊ ရဲရင့်စွာ ဟောသည် ဟူ၍၎င်း ပြောလေ၏။ ထိုနောက်မှ ရှောလုသည် ယေရုရှလင်မြို့၌ တမန်တော် တို့နှင့် ပေါင်းဘော်၍၊ သခင်ယေရှု၏ နာမတော်ကို အမှီပြု၍ ရဲရင့်စွာဟော လျက်နေ၏။ ဟေလေနစ် လူတို့နှင့် နှီးနှော ပြောဆိုသဖြင့်၊ ထိုသူ တို့သည် ရှောလု ကို သတ်မည်ဟု အား ထုတ်ကြ၏။ ထိုအကြောင်းကို ညီအစ်ကို တို့သည် ကြားသိလျှင်၊ ရှောလုကို ကဲသရိမြို့ သို့ပို့၍ တာရှုမြို့ တိုင်အောင် စေလွှတ် ကြ၏။ ထိုအခါ ယုဒပြည်၊ ဂါလိလဲပြည်၊ ရှမာရိပြည် အရပ်ရပ် တို့တွင် အသင်း တော်တို့သည် ငြိမ်သက်၍ တည်ဆောက်ခြင်း ရှိကြ၏။ သခင် ဘုရားကို ကြောက်ရွံ့ခြင်း ၌င်း၊ သန့်ရှင်းသော ဝိညာဉ်တော်၏ အဆုံးအမ၌၎င်း၊ မွေ့လျော်သော အားဖြင့် ပွားများကြ၏။

ရှောလုလို့ အမည်နဲ့ နေထိုင် အသက်ရှင် ခဲ့သမျှကို နောင်တရပြီး အသက်တာကို ပုံအောကာ ခရစ်တော်၌ အကြွင်းမဲ့ ယုံကြည် ခဲ့သူ ဖြစ်ပါတယ်။ သူ့ရဲ့ အပြစ်ရှိသမျှလည်း ခွင့်လွှတ်ခြင်း ခံရပြီး၊ ခရစ်တော်ကို သူ့ဘဝရဲ့ ဦးဆောင်သူ အဖြစ် ဖိတ်ခေါ် အပ်နှံခဲ့ပါတယ်။ အယင် လားရာနဲ့ ၁၈၀ ဒီဂရီ ဦးတည်ချက် လားရာ ပြောင်းပြီး အသက်ရှင်ခဲ့သူ ဖြစ်ပါတယ်။

တမန်တော်ကြီး ရှင်ပေါလု ထံကနေ သင်ခန်းစာ များစွာ သင်ယူရန်ရှိပါတယ်။ ပြောင်းလဲပြီးတဲ့ နောက်ပိုင်း လူကတော့ လူပါဘဲ။ ဒါပေမဲ့ ရှင်ပေါလု အသက်တာကို ဘုရားသခင် ပြုပြင်ပေး တာတွေကို ကြည့်ယင် တကယ့် သူရဲကောင်း ကြီးတစ်ယောက် လိုပါဘဲ၊ တမန်တော်ကြီး ရှင်ပေါလု ပြောတဲ့ စကားတစ်ခွန်း မှာက ဒါတွေ အားလုံးဟာ ဘုရားသခင် လုပ်ပေးတာ သက်သက် ဖြစ်ပြီး၊ သူ့အနေနဲ့ ဘာကိုမှ ပြီးမြောက်အောင် မလုပ် ဆောင်နိုင်ပါဘူးလို့ ဆိုပါတယ်။ သူ့ရဲ့ အသက်တာကို ကြည့်ယင်၊ သူ့ရဲ့ ကနဦး ခရစ်ယာန် အသက်တာမှာ တွေ့ရတာက သူ့ရဲ့ ခရစ်ယာန် အသက်တာဟာ ရပ်တန့်မနေဘဲ  ကြီးထွားမှု အမြဲ ဖြစ်ပေါ် နေတာဘဲ ဖြစ်ပါ တယ်။ (ခရစ်တော်ဟာ မိမိရဲ့ အပြစ်ကို ခွင့်လွှတ် ပေးတဲ့သူ၊ မိမိဘ၀ အသက်တာ သစ်ကို လမ်းပြပေး နေတဲ့သူလို့ လက်ခံတဲ့ သူတိုင်းရဲ့ အသက်တာမှာ၊ မဖြစ်မနေ ဆက်လက်ထိန်းသိန်း လုပ်ဆောင်နေရမယ့် အရာကတော့ မိမိရဲ့ခရစ်တော် အပေါ် ယုံကြည်တဲ့ ယုံကြည်ခြင်း ဆက်လက် ကြီးထွား နေစေ ဖို့ဘဲ ဖြစ်ပါတယ်)  

ဝိညာဉ်ရေးရာ ကြီးထွားရင့်ကျက်သူများထံမှ တွေ့မြင်ရသော သွင်ပြင်လက္ခဏာ(၄)ရပ်

(FOUR characteristics of someone who is growing spiritually)

၁။ခရစ်ယာန် အသက်တာ ကြီးထွား နေသူဟာ ခရစ်တော် ဘယ်သူလဲ ဆိုတာ အမြဲရှာဖွေ နေသူ ဖြစ်ပါတယ်|       (A Growing Christian Always Seeks to Know Who Jesus Is) (အခန်းငယ်-၂၀)

ယေရှုသည် ဘုရားသခင်၏ သားတော်ဖြစ်ကြောင်းကို တရားစရပ်တို့၌ မဆိုင်းမလင့် ဟောလေ၏။

တမန်တော် ရှင်ပေါလု အနေနဲ့ ယေရှုဟာ ဘုရားရဲ့ သားဖြစ်ကြောင်း ချက်ချင်း စတင်ကြွေးကြော် ပါတယ်။ ဆိုလိုတာက သူ့အနေနဲ့ ခရစ်တော်နဲ့ ပုဂ္ဂိုလ်ချင်း တွေ့ဆုံ ပြီးတဲ့နောက် သူတတ်နိုင်တဲ့ အရာတွေ လုပ်တယ်၊ ဘုရားရဲ့ မျက်မှောက်တော် အောက်မှာ အချိန်ရှိသ၍ နောက်လိုက် တစ်ယောက် အနေနဲ့ အသက်ရှင် ခဲ့ပါတယ်။ (ဘာကြီး ဖြစ်လာမှ/ ဘာကြီးရမှ ဆိုတာ မရှိပါဘူး)။ သူ့အနေနဲ့ ခရစ်တော်ကို ပိုပြီးသိခွင့် ရခဲ့တယ်။ ဒါကြောင့် သူ့အနေနဲ့ ခရစ်တော်ကို ဘာကြောင့် ယုံကြည်ကိုးစား ရသလဲဆိုတာ အခြားသူတွေကို နက်နက်နဲနဲ ပြန်ပြောပြ နိုင်ခဲ့ပါတယ်။

တမန်တော် ရှင်ပေါလု အနေနဲ့ ခရစ်တော်ကို သိကျွမ်းတဲ့ ရင်းနှီးမှုဟာ ဒမသက်မြို့ သွားတဲ့ လမ်းပေါ်မှာ ခရစ်တော်နဲ့သူ ပက်ပင်းတိုးခဲ့တဲ့ ဖြစ်ရပ်ကြောင့် အကန့်အသတ် မရှိလောက် အောင်ပါဘဲ။ အဲဒီဖြစ်ပျက်မှု နောက်ပိုင်း ခရစ်တော်ရဲ့ အကြောင်းကို နေ့တိုင်းပြောတော့ တာပါဘဲ။ သူရေးသားခဲ့တဲ့ သူ့ရဲ့စာစောင် အချို့မှာ ဆုတောင်းတဲ့ အကြောင်းတွေကို ရေးထားပါတယ်။ သူ့အနေနဲ့ တစ်ဦးစီအတွက် ၊ အသင်းတော် တွေ အတွက်၊ ဆုတောင်း ပေးနေတဲ့ အကြောင်း၊ မခြားမလပ် ဆုတောင်းရမယ့် အကြောင်းတွေ ဖေါ်ပြ ထား ပါတယ်။ ဒါကြောင့် တမန်တော်ကြီး ရှင်ပေါလုရဲ့ ရည်ရွယ် ချက်ဟာ အခွင့်အခါ ရသမျှ ခရစ်တော်နဲ့ နီးသထက် နီးအောင် နေရဖို့ဘဲ ဖြစ်ပါတယ်။ ဒီလို ရည်ရွယ်ချက်နဲ့ အသက် ရှင်ခြင်းဟာ သူ့အနေနဲ့ ခရစ်တော် ကို ပိုပိုပြီး သိကျွမ်းခြင်း ကို ဖြစ်စေ ခဲ့ပါတယ်။ တမန်တော်ကြီး ရှင်ပေါလု အနေနဲ့ ခရစ်တော်ကို ပိုပို သိကျွမ်းဖို့ ရည်ရွယ်ချက် ရှိနေကြောင်းကို (ဖိလိပ္ပိ ၃၊ ၁၀)|-မှာ တွေ့နိုင်ပါတယ်။

သို့သော်လည်း ငါ၏အကျိုးစီပွါးကို ပြုစုသောအရာရှိသမျှတို့ကို ရှုံးစေသောအရာကဲ့သို့  ခရစ်တော်ကြောင့် ငါထင်မှတ်၏။  ထိုသခင်ကြောင့် ခပ်သိမ်းသောအရာတို့ကို အရှုံးခံရပြီ။ သေခြင်းမှထမြောက် သောအခွင့်ကို ငါရနိုင်ကောင်းလျှင်၊ ကိုယ်တော်သည် အသေခံတော်မူသည် နည်းတူ၊ ငါသည်လည်း အသေခံ၍ ထိုသခင် ကို၎င်း၊ ထမြောက်တော်မူခြင်း၏ တန်ခိုးကို၎င်း၊ ဆင်းရဲခံတော်မူခြင်းကို ဆက်ဆံ၍ ခံခြင်းကို၎င်း၊ သိကျွမ်းခြင်းငှါ၊ ၁ပညတ်တရားအားဖြင့် ရသောကိုယ်ဖြောင့်မတ်ခြင်းကို မကိုးစားဘဲ၊ ခရစ်တော်ကို ယုံကြည်ခြင်းအားဖြင့်ရသော ဖြောင့်မတ်ခြင်းတည်းဟူသော ယုံကြည်ခြင်းအတွက် ကြောင့် ၂ဘုရားသခင်ပေးတော်မူသော ဖြောင့်မတ်ခြင်းကို ကိုးစားသဖြင့်၊ ခရစ်တော်ကို အမြတ်ရ၍ ထိုသခင်၌ တည်ပါမည်အကြောင်း၊  ခပ်သိမ်းသောအရာတို့ကို မစင်ကဲ့သို့ ငါထင်မှတ်၏။

တမန်တော်ရှင်ပေါလု မျက်မှောက်ပြုသော (ပန်းတိုင်ထားသော) အရာများ|

“I want to know ၁Christ and ၂the power of his resurrection and ၃the fellowship of sharing in his sufferings, ၄becoming like him in his death.”

ဒီစကားတွေကို အသက်ကြီး ရင့်တဲ့ လူသား တစ်ယောက် အနေနဲ့ဘဲ ဖြစ်ဖြစ်၊ ဘ၀ ဆုံးခန်းရောက် တော့မယ့် လူတစ် ယောက် အနေနဲ့ဘဲ ဖြစ်ဖြစ် ရေးသား ခဲ့တာ ဖြစ်ပါတယ်။ သူဟာ ခရစ်တော်ရဲ့ အစေကို နှစ်ပေါင်း များစွာ ဆက်ကပ် အစေခံခဲ့တဲ့ အသက်တာ ကို ရေက်နေ ပေမယ့်လည်း ခရစ်တော်ကို ပိုပြီးပိုပြီး သိလိုတဲ့ သူ့ရဲ့ အန္တိမ ရည်ရွယ် ချက်ကတော့ အသက် သေဆုံးတဲ့ အထိ ဆက်ပြီး ရှိနေသေးတာ တွေ့နိုင်ပါတယ်။

ခရစ်တော် သင်သိသလား ဆိုတာထက်၊ ခရစ်တော်ကို သိလိုပါသလား ဆိုတဲ့ မေးခွန်းက ကျွန်ုပ်တို့ကိုယ် ကျွန်ုပ်တို့ မေးသင့်ပါတယ်။ ကျွန်ုပ်တို့ ခရစ်တော်ကို သိပြီးပါပြီလို့ ဖြေခဲ့ယင်၊ ကျွနု်ပ်တို့အနေနဲ့ ခရစ်တော်ရဲ့ အကြောင်း အကုန်အစင် သိတဲ့ သဘောကို ဆိုလိုတာ ဖြစ်ပါလိမ့်မယ်။ တကယ်တော့ ခရစ်တော် အကြောင်းကို အကုန် အစင် သိဖို့ နှစ်ပေါင်း(၁၀၀၀) ကျွန်ုပ်တို့ အသက်ရှင်ခွင့် ရယင်တောင် မဖြစ်နိုင်ပါဘူး၊ ဘာကြောင့်လဲ ဆိုတော့ ခရစ်တော်ရဲ့ အကြောင်းဟာ စစ်၍မကုန်နိုင်တဲ့ ဘုရားရဲ့ သားတော် ဖြစ်လို့ပါဘဲ။ သမုဒ္ဒရာ ထဲကရေကို ကုန်အောင် ရေပုံး တစ်ပုံးနဲ့ ခပ်နေတာနဲ့ တူပါတယ်။ ဘုရားသခင်ရဲ့ အကြောင်း အပြည့်အစုံကို ဘုရားသခင်ထံ ကျွနု်ပ်တို့ရောက်မှဘဲ သိရပါလိမ့်မယ်။

ဘယ်လိုပဲ ဖြစ်ဖြစ် စိတ်ဓါတ် ကျစရာမလိုပါဘူး၊ ဒီလို အသက်ရှင်ခြင်း အားဖြင့် ခရစ်တော် ကလည်း ကျွန်ုပ်တို့ကို ကျေးဇူးသိ တတ်တဲ့ သူဆိုပြီး သူ့အကြောင်းကို ပိုပြီး သိခွင့်ပေးမှာ ဖြစ်ပါတယ်။

ကြီးထွား ရှင်သန်တဲ့ ခရစ်ယာန် တစ်ယောက် ဆိုယင် ခရစ်တော်နဲ့ ပုဂ္ဂိုလ်ချင်း (တမန်တော်ရှင်ပေါလုကဲ့သို့) သိကျွမ်းဖို့ ရည်ရွယ်ချက် ထားရှိ အသက်ရှင် ရပါလိမ့်မယ်။ ကြီးထွား ရှင်သန်တဲ့ ခရစ်ယာန် တစ်ယောက်ရဲ့ ဒုတိယ သွင်ပြင်လက္ခဏာကတော့ မိမိအသက် တာကို ခရစ်တော်၌ ကြီးထွား ရှင်သန်လိုပြီး၊ ဘုရား သခင် မိမိကို ဖြစ်စေလိုတဲ့ ပုံစံအတိုင်း အသက်ရှင်ဖို့ ဆန္ဒရှိနေ တတ်ခြင်းဘဲ ဖြစ်ပါတယ်။

၂။ခရစ်ယာန် အသက်တာ ကြီးထွားနေသူဟာ ကြီးထွားမှုနှင့် ဆိုင်သမျှကို အမိအရ ဖမ်းဆုပ်သူ|    

(A Growing Christian Embraces the Growth Process) (အခန်းငယ်-၂၂-၂၃က)

(တမန်တော် ၉၊ ၂၂)|ရှောလု သည်လည်း အားတိုးပွားသဖြင့် ဒမာသက် မြို့၌ နေသော ယုဒ လူတို့သည် ပြောသ မျှသော စကားကို ချေ၍၊ ယေရှုသည် ခရစ်တော် ဖြစ်ကြောင်းကို ထင်ရှားစွာပြ၏။

တမန်တော် ရှင်ပေါလုဟာ နိသရည်း ဆရာလည်းဖြစ်၊ ဖာရိရှဲလည်းဖြစ်တဲ့ ဂါမလျေလ လက်အောက်မှာ နေပြီး သင်ကြားမှုတွေ ခံယူခဲ့ရရုံမက အခြားကနေလည်း သင်ကြားမှု တွေရခဲ့တဲ့သူ ဖြစ်ခဲ့ပေမဲ့လည်း၊ အဲဒါအရာ အားလုံးရဲ့ တစ်ဖက်မှာရှိတဲ့ ဘုရားသခင်ရဲ့ စီမံကိန်းအတွက် ပုံစံသွင်းခြင်း ခံလိုက်ရတဲ့ လူတစ်ဦး ဖြစ်လာခဲ့ ပါတယ်။ နောက်ပိုင်း တမန်တော် ရှင်ပေါလုဟာ ဘုရား သခင်ရဲ့ နှုတ်ကပတ်တော်ကို ထူးကဲစွာ နားလည် လာခဲ့ ပါတယ်။ သန့်ရှင်းသော ဝိညာဉ်တော်က သူ့အသက်တာထဲ ဉာဏ်ပညာကို ယူဆောင်လာ ပေးပါတယ်၊ တမန်တော် ရှင်ပေါ လုဟာ မေရှိယ ယေရှု ခရစ်တော် အားဖြင့် လူသားတွေကို အပြစ်မှ လွှတ်ခြင်း၊ နဂိုမူရင်း လူသားဘဝကို ပြန်လည်ရရှိ စေဖို့အတွက် ဘုရားရဲ့ အစီအစဉ်ကို ကျွမ်းကျင်ပိုင်နိုင်စွာ သဲကြီးမဲကြီး ဝေမျှနိုင် တဲ့သူ ဖြစ်လာ ခဲ့ပါတယ်။

တမန်တော်ကြီး ရှင်ပေါလု အနေနဲ့ အဲဒီအချိန် အဲဒီအခါဟာ ဘုရားသခင် သူ့ရဲ့ အသက်တာကို ပြုပြင် နေတယ် ဆိုတာကို သိရုံမျှမက သူ့အားဖြင့် ဘုရားသခင် လုပ်ဆောင်မယ့် အရာတွေကိုလည်း မလွှတ်တမ်း အမိအရ ဖမ်းဆုပ် ထားခဲ့သူ ဖြစ်ပါတယ်။

(အခန်းငယ် ၂၃)| မှာဖေါ်ပြထားတဲ့ “ကာလာ ကြာမြင့်ပြီးမှ” ဆိုတဲ့ ကျမ်းစကားကို ကျမ်းပညာရှင် အချို့က ကရေတေနဲ့ ဒမသက်မြို့တွေမှာ တမန်တော်ရှင်ပေါလု နေခဲ့တဲ့ (၃)နှစ်တာ ကာလကို ပြောတာလို့ ယုံကြည် ကြပါတယ်။ အဲဒီအတောအတွင် တမန်တော်ကြီး ဘာလုပ်ခဲ့သလဲ?၊ အချို့က လူသူဝေးရာ နေရာမှာ သွားနေတယ်၊ သူ့ရဲ့ အတိတ်က အမှားတွေအတွက် အရင်တုန်းက သူနဲ့တွဲခဲ့တဲ့ သူတွေနဲ့ ဝေးရာကို ထွက်သွားတယ်၊ ဘုရားရဲ့ ရှေ့တော်မှောက်မှာ ဆုတောင်းခြင်း၊ ဝတ်ပြုခြင်းနဲ့ အချိန်ယူခဲ့တယ်၊ မေရှိယခရစ် တော်နဲ့ ပတ်သက်ပြီး သူ့ရဲ့ဓမ္မအတွေး အခေါ်ကို ပြန်ဆင်ခြင် တယ်လို့ ယုံကြည် ကြပါတယ်။ ဒီအချက်တွေ အားလုံးဟာ သံသယ စိတ်ဝင်စရာ မရှိပေမယ့်၊ မှန်ပါတယ် လို့လည်း သက်သေပြစရာ မရှိပါဘူး။ ကရေတေ ဆိုတာ ဒမသက်မြို့ရဲ့ တံတိုင်းဆီ သွားတဲ့လမ်း တလျှောက် တိုးချဲ့ထားတဲ့ နယ်ပယ် တစ်ခု ဖြစ်ပါတယ်။ တမန်တော် ရှင်ပေါလု အနေနဲ့ အဲဒီကာလမှာ ပုန်းရှောင် နေတာလည်း ဖြစ်ပုံမရပါဘူး။ ယေရှုဟာ ဘုရားသခင် ဂတိတော်ထားတဲ့ မေရှိယဖြစ်ကြောင်း၊ နောင်တတရား ရဖို့လိုပြီ ဖြစ်ကြောင်း၊ ဘုရားသခင်ကို ခေါ်ဖိတ်ကြဖို့၊ မိမိတို့ရဲ့ အသက်တာတွေကို အဲဒီသခင်ဆီမှာ ဆက်သပုံအပ် ကြဖို့ ကေရတေ မြို့သူမြို့သား တွေကို ပြောပြဖို့ အတွက် ဆက်သွား ခဲ့တာ ဖြစ်ပါတယ်။

တမန်တော်ကြီးရှင်ပေါလုဟာ အဲဒီ(၃)နှစ်တာ ကာလမှာ လူသူ ကင်းဝေးရာဆီ သွားပြီး ဘုရားနဲ့ မိတ်သဟာယ ဖွဲ့ဖို့ လိုအပ်သလို၊ ကေရတေမြို့သူမြို့သားတွေဆီ အမှုတော် သွားဆောင်တယ် ဆိုတာတွေထက်၊ အဓိက ကျွန်ုပ် တို့ သင်ယူရမယ့် အချက်က သူ့ကို ကြီးထွား ရှင်သန်တဲ့သူ ဖြစ်ဖို့ ဘုရားသခင် အလိုတော် ရှိနေ ကြောင်းကို သူအနေနဲ့ ကောင်းကောင်းကြီး သိရှိနားလည် နေခြင်းပဲ ဖြစ်ပါတယ်။ သူဟာ ကြီးထွား ရင့်ကျက်မှုနဲ့ ဆိုင်တဲ့ စနစ် အဆင့်ဆင့်နဲ့ သူ့ကို ဘုရားသခင် ပေးသနား တော်မူတဲ့ ဆုကျေးဇူး တွေကို တတ်မက် စွဲလန်းခြင်း များစွာနဲ့ မလွတ်တမ်း ဖမ်းဆုပ် ထားတဲ့ သူလည်း ဖြစ်ပါတယ်။ ဖင့်နွဲ့မှု မရှိဘဲ ဧဝံဂေလိ သတင်းကောင်းကို စတင်ဝေငှ ခဲ့ပါတယ်။ သူ့အသက် တာကို ဘုရား ဘာများ အလိုတော်ရှိလဲ ဆိုတာကို သူကောင်းကောင်းကြီး သိခဲ့ပါတယ်။ နောက်ဆုံး ခရစ်တော် အတွက် မာတုရအဖြစ် အသက်ပေးဆပ် အသက်ရှင်ခဲ့သူ ဖြစ်ခဲ့ပါတယ်။

မိတ်ဆွေကော ဘယ်လိုလဲ?၊ ဘယ်လို နေရာမှာ ကြီးထွား ရှင်သန် နေပါသလဲ?၊ သင့်အသက် တာကို ဘုရားသခင် ဖြစ်စေလိုတဲ့ အသက်တာ၊ သဘောထား၊ ခံစားချက်နဲ့ အသက်ရှင် နေပါသလား?၊ သခင် ခရစ်တော် အကြောင်းကို ဝေငှပါသလား?၊ ကျွန်ုပ်အားလုံးကို တမန်တော်တွေ၊ ပရေဖက်တွေ၊ ဧဝံဂေလိ အမှုတော် ဆောင်တွေ (သို့) သင်းအုပ်တွေ၊ ကျမ်းစာပို့ချသူတွေ အဖြစ် ဘုရားသခင် ခေါ်ယူ ထားတာ မဟုတ်ပါဘူး။ ခရစ်တော်ရဲ့ သက်သေခံတွေ ဖြစ်ဖို့သာ ခေါ်ယူထား တာဖြစ် ပါတယ်။ ကျွန်ုပ်တို့ အသက်တာမှာ ခရစ်တော် ဘုရား ဘာတွေလုပ် ဆောင်ပေး သွားသလဲ ဆိုတာကို သက်သေခံ နိုင်ပါတယ်။ ခရစ်တော် ဘုရားဟာ လူသား အားလုံးရဲ့ မျှော်လင့်ရာ ဖြစ်ကြောင်း ဝေငှနိုင်ပါတယ်။ သင့်ကို ဘုရားပေး ထားတဲ့ ဆုကျေးဇူး တွေကို သင်တကယ် အသုံးပြု အသုံးချ နေရဲ့လား၊ တိုးတက်မှု တွေကော ဘယ်လောက် ရှိလာပြီ လဲ?၊  သင်အဲဒီ ဆုကျေးဇူး တွေကို အသုံးမပြုဘူး ဆိုယင်တော့၊ အဲဒီ ဆုကျေးဇူး တွေကို သင်ပြန်လည် ဆုံးရှုံးခံရ နိုင်ပါတယ်။ ကြီးထွား ရှင်သန်ဖို့ ဆန္ဒနေရှိယင်၊ ခရစ်တော်နဲ့ ရင်းနှီးအကျွမ်းတဝင် ဖြစ်ဖို့ အစဉ်အမြဲ လုပ်ဆောင်ကြပါ၊ သန့်ရှင်းသော ဝိညာဉ်တော် အားဖြင့် ကျွန်ုပ်တို့ကို ပေးထားတဲ့ ဆုကျေးဇူး တွေကို အသုံးပြု ကြပါ၊ ကြီးထွား ရှင်သန်စေသော အရာမှန်သမျှကို အပြည့်အ၀ အမိအရ ဖမ်းဆုပ် ရယူကြပါ။ ကြီးထွား ရှင်သန်စေတဲ့ တတိယ လက္ခဏာ ကတော့ ဘေးဒုက္ခနဲ့ ရင်ဆိုင် ရခြင်း ဖြစ်ပါတယ်။

၃။ကြီးထွား ရှင်သန်သူ တစ်ဦးဟာ ပဋိပက္ခကို ကိုင်တွယ်ဖို့ သင်ယူနေ သူဖြစ်တယ်။

(A Growing Christian Learns How to Handle Conflict) (အခန်းငယ်-၂၃-၂၆၊၂၉)

တမန်တော် ရှင်ပေါလု လူတွေ ထံကနေ ရင်ဆိုင် ခဲ့ရတဲ့ အခြေအနေ(၃)မျိုး|-

က) ဒမသက်မှာ ရှိတဲ့ ဂျူးတွေက သူ့ကို သတ်ဖို့ ကြိုးစား ခဲ့ကြ ပါတယ်။ (၊၂၃) ကာလကြာမြင့်ပြီးမှ၊ ရှေလုကို သတ်အံ့သောငှါ၊ ယုဒလူတို့သည် အချင်းချင်း တိုင်ပင်ကြ၏။ (၊၂၄) ထိုအကြံအစည်ကို ရှောလု သည် သိ၏။ (၊၂၅) သူ့ကိုသတ် အံ့သောငှါ မြို့တံခါး တို့ကို နေ့ညည့် မပြတ် စောင့်ကြ သော ကြောင့်၊ (၊၂၅) တပည့်တော် တို့သည် ညဉ့်အခါ သူ့ကိုယူ၍ တောင်း၌ ထည့်ပြီးလျှင် မြို့ရိုးပေါ်က လျှော့ချကြ၏။

ခ) ယေရု ရှလင်မြို့မှာ ရှိတဲ့ ခရစ်ယာန် တွေက ပေါလုကို ကြောက်ရွံ့ပြီး လက်မခံကြပါ။ (၊၂၆) ယေရုရှလင် မြို့သို့ ရောက်သောအခါ၊ တပည့်တော်တို့နှင့် ပေါင်းဘော်မည်ပြုသော်၊ သူသည် တပည့်တော်ဖြစ် ကြောင်းကို တပည့်တော် အပေါင်းတို့သည် မယုံသဖြင့် သူ့ကို ကြောက်ရွံ့ကြ၏။

ဂ) ဟေလေနစ် လူတွေက သူ့ကို သတ်ဖို့ ကြိုးစား ကြတာကို ရင်ဆိုင်ခဲ့ရပါတယ်။ (၊၂၈-၂၉) သခင်ယေရှု၏ နာမတော်ကို အမှီပြု၍ ရဲရင့်စွာ ဟောလျက်နေ၏။ ၁ဟေလေနစ်လူတို့နှင့် နှီးနှော ပြော ဆိုသဖြင့်၊ ထိုသူတို့ သည် ရှောလုကို သတ်မည်ဟု အား ထုတ်ကြ၏။

(ဟေလေနစ်ဆိုတာ|- ဟေဗြဲဆိုတာ ဂျူးခရစ် ယာန်တွေ ပါပဲ၊ အားလုံးလိုလို အာရမိ စကားပြော ကြပါ တယ်။ ဟေလေနစ် ဆိုတာကတော့ ဂျူးခရစ်ယာန်တွေ ဖြစ်ပေမယ့်လည်း ဂရိစကားကို ပဲပြောပြီး သူတို့ကိုသူတို့ ဂရိလူမျိုး၊ တပါးအမျိုးသား၊ ဂျူးမဟုတ်ဘူးလို့ စိတ်ထဲမှာ ခံယူအသက်ရှင်တဲ့ သူတွေ ဖြစ်ပါတယ်။ ဂရိစကားကိုပဲ ပြောပြီး၊ ဂရိဖက်ရှင်ကိုဝတ်တဲ့၊ ကိုယ့်ကိုယ်ကို ဂျူးလို့မခံယူဘဲ၊ ဂရိလို့ခံယူ သူတွေဖြစ်ကြပါတယ်- တမန် ၂၁၊ ၂၈)

တမန် တော်ကြီး ရှင်ပေါလုလို ခါးခါးသီးသီး မုန်းခံရတာ၊ စိုးရိမ် တုန်လှုပ် အောင် ငြင်းပယ် ခံရ တာမျိုး သင်ရင် ဆိုင်ရယင် ဘယ်လို တုံ့ပြန်မလဲ? ကိုယ့်ဘက်မှာ ရပ်တည် မယ့်သူ တစ်ယောက်မှ မရှိတော့တဲ့ အခြေအနေမျိုး၊ အားလုံးက ကိုယ့်ကို နားလည်မှု လွဲတဲ့ အခါမျိုးမှာ သင်ဘယ်လို ပြန်ပြီး တုံ့ပြန်မလဲ။ အများ အားဖြင့် တော့ ဒေါသစိတ် မှုံယိုပြီး အမှန်တရား ဆင်ခြင်တုံ တရားတွေ ပျောက်ပြီး၊ ပြင်းပြင်း ထန်ထန် ပြန်လည် တုံ့ပြန် တတ်ကြ ပါတယ်။ ကြီးထွား ရင့်ကျက် ရှင်သန်ချင်တဲ့ ခရစ်ယာန်တွေ အနေနဲ့ ကတော့ ဆန့်ကျင်ဖက် ပြုသူတွေကို ကောင်းမွန်တဲ့ တုံ့ပြန်မှုတွေနဲ့ တုံ့ပြန်ကြရမှာ ဖြစ်ပါတယ်။ ကိုယ်နဲ့ ရင်းနှီးတဲ့ မိတ်ဆွေရဲ့ မဟုတ် မမှန်ဘဲ စွပ်စွဲ အပြစ်တင်၊ ရိုးစွဲတာမျိုး ခံရတဲ့အခါ အမျိုးမျိုး နည်းနဲ့ ပြန်ပြီး အမြင်မှန် ရလာအောင် ကြိုးစားပါ။ နောက်ဆုံး ဘယ်လိုမှ မရနိုင်တဲ့ အဆုံး၊ နှုတ်ကပတ်တော် ကဖေါ်ပြ ထားသလို သက်သေ တစ်ယောက် နှစ်ယောက်နဲ့ နားလည်အောင် ရှင်းပြနိုင် ပါ တယ်။ ဒီနည်းနဲ့ အဆင် မပြေယင် အသင်းတော် တစ်ပါးထဲကဆို သင်းအုပ် ဆရာနဲ့ ညှိနှိုင်းနိုင် ပါတယ်။ ဒါလို လုပ်လို့ မရခဲ့ယင် လည်း သူ့ကို ရန်သူလို သဘော မထားရ ပါဘူး၊ သူ့ရဲ့မကောင်း ကြောင်းကိုလည်း အတင်း မပြောပါနဲ့။ မရှုံ့ချပါနဲ့။ ကိုယ့်ကို မတရား လုပ်တဲ့ သူဟာ ခရစ်ယာန် ဘဲဖြစ်ဖြစ်၊ အခြားဘာ သာဝင်ဘဲ ဖြစ်ဖြစ် သူတို့နဲ့ ဘယ်လိုမှ ပြန်ပြီး ပြေလည်ဖို့ နည်းလမ်း မရနိုင်တဲ့အဆုံး ခရစ်တော် သွန်သင်ထားတဲ့ နည်းလမ်းကောင်း အတိုင်း လုပ်ဆောင်နိုင် ပါတယ်။ အဲဒီလမ်းလမ်းကို (မသဲ ၅၊ ၄၄)မှာ ဖေါ်ပြထားပါတယ်။

(မသဲ ၅၊ ၄၄)|-

ငါပညတ်သည်ကား၊ သင်တို့သည် ကောင်းကင်ဘုံ၌ ရှိတော်မူသော သင်တို့အဘ၏ သားဖြစ်လိုသောငှါ၊ သင်တို့၏ ရန်သူတို့ကို ချစ်ကြလော့။ သင်တို့ကို ကျိန်ဆဲသောသူတို့အား မေတ္တာပို့ကြလော့။ သင်တို့ကို မုန်းသော သူတို့အား ကျေးဇူးပြုကြလော့။ သင်တို့ကို နှောင့်ရှက်ညှဉ်းဆဲသော သူတို့အဘို့ ဘုရားသခင်ကို ဆုတောင်းကြလော့။

ကိုယ့်ကို မတရား ပြောတဲ့သူ၊ မတရား ရိုးစွပ်တဲ့သူ၊ မတရား ရန်ရှာသူ၊ မုန်းတီး သူတွေကို ခွင့်မလွှတ်၊ တုံ့ပြန်ရန်ပြု မယ်ဆိုယင်တော့၊ သတိလစ်ပြီး ကိုယ့်ရဲ့ ဝိညာဉ်ရေးရာ ကြီးထွား ရင့်ကျက်မှုကို ချိနဲ့ သွားအောင် လုပ်လိုက် သလို၊ ကိုယ်ကို တိုင်လည်း စာတန် မာရ်နတ်ရဲ့ အန္ဒရယ် စက်ကွင်း ထောင်ချောက်ထဲ ဝင်မိ သွားသလို ဖြစ်သွားပါ လိမ့်မယ်။ နောက်တစ်မျိုး ပြောရယင် ဒီလိုတုံ့ပြန် ခြင်းဟာ ရန်သူ ဖြစ်တဲ့ စာတန် မာရ်နတ်ကို ကိုယ့်အသက်တာ ကိုယ့်စိတ် နှလုံးသားထဲ ဝင်ရောက်လာဖို့ ဖိတ်ခေါ် လိုက်သ လိုဖြစ်ပြီး၊ ကိုယ့်ဘဝကို စာတန်ဆီမှာ အခြေခံ အုပ်မြစ်ချ အသက်ရှင်တဲ့ ပုံစံအဖြစ် ပြောင်းလဲ သွားစေတာ မျိုးလည်း ဖြစ်သွား တတ်ပါ တယ်။

(ဟေဗြဲ ၁၂၊ ၁၅)|-

သင်တို့တွင် တစုံတယောက်မျှ ဘုရားသခင်၏ ကျေးဇူး တော် ကိုမရ ဘဲ မနေစေခြင်းငှါ၎င်း၊ ခါးစွာသော  ပင်မြစ်ပေါက် ၍ သင်တို့နှောက် ရှက်သဖြင့်၊ လူအများ တို့သည် အပြစ်နှင့် မညစ်ညူးစေခြင်းငှါ၎င်း၊

၁ (စာတန် ပြုစု ပျိုးထောင် ပေးလိုက်တဲ့ အပင်၊ ကိုယ်တင်မက လူတော်တော် များများကိုတောင် အပြစ်နဲ့ ညစ်ညူး စေတဲ့ အပင်မျိုး၊ အသက်တာမျိုး)

၂ (ကျေးဇူးတော်- ကြီးထွားရင့်ကျက် ရှင်သန်ရန် ဝိညာဉ်ဆုကျေးဇူးများ)

ဒီခါးတဲ့ အမြစ်ဟာ ရန်ကို ရန်ချင်း တုံ့ပြန်တတ်တဲ့ အစေ့ငယ်လေး ကနေ သန္ဓေတည် အမြစ်စွဲ ကြီးထွား လာစေ တာဖြစ်တတ် ပါတယ်။ ဒီခါးသီးတဲ့ အမြစ်ကို ကြီးထွား ရှင်သန်ဖို့ ခွင့်ပြုလိုက် ယင်တော့ အဲဒီ အမြစ်ခါးရဲ့ အကျိုးသက် ရောက်မှုတွေဟာ ကမ္ဘာကြီးကို နာကြင်မှုတွေ ဖြစ်စေလာမယ်၊ ဒုက္ခပြသနာ တွေကို ပေါ်ပေါက် လာစေမယ်၊ လူသား အာလုံးကိုလည်း မကောင်းတဲ့ အကျိုး သက်ရောက် မှုတွေကို ခံစားစေမှာ ဖြစ်ပါတယ်။ သင့်ဘ၀ သင့်အ သက်တာမှာ အမြစ်ခါးတွေ ကြီးထွားရှင်သန် ပေါက်ပွား လာစေရုံ သာမက၊ သင်ကနေ တဆင့် အခြားသူတွေရဲ့ အသက်တာ တွေထဲ ထပ်မံကူစက် ပျံ့ပွားသွား တတ်ပါတယ်။ ဒါကြောင့် ဆုတောင်းပါ၊ ချစ်ခြင်းမေတ္တာ ထားကြပါ၊ ခွင့်လွှတ် ကြပါ|-

၄။ကြီးထွား ရှင်သန်သော ခရစ်ယာန် တစ်ဦးသည် ယုံကြည် သူချင်း မီခို အားထားခြင်း ကို သင်ယူနေ သူဖြစ်သည်။ (A Growing Christian Learns to Rely on Fellow Believers) (အခန်းငယ်-၂၅၊၃၀)|-

တပည့်တော် တို့သည် ညဉ့်အခါ သူ့ကိုယူ၍ တောင်း၌ ထည့်ပြီးလျှင် မြို့ရိုးပေါ်က လျှော့ချ ကြ၏။ ထိုအကြောင်း ကို ညီအစ်ကို တို့သည် ကြားသိလျှင်၊ ရှောလုကို ကဲသရိမြို့သို့ပို့၍ တာရှုမြို့ တိုင်အောင် စေလွှတ် ကြ၏။.

ဒမသက်မြို့က ဂျူတွေ သူ့ကို သတ်ဖို့ကြိုးစား ကြတဲ့အခါ ၊ သူ့ရဲ့ခရစ်ယာန် မိတ်ဆွေ များက ကူညီခဲ့ပါတယ်။ တပည့်တော် တို့သည် ညဉ့်အခါ သူ့ကိုယူ၍ တောင်း၌ ထည့်ပြီးလျှင် မြို့ရိုးပေါ်က လျှော့ချကြ၏။ ထိုအကြောင်း ကို ညီအစ်ကို တို့သည် ကြားသိလျှင်၊ ရှောလုကို ကဲသရိမြို့သို့ပို့၍ တာရှုမြို့တိုင်အောင် စေလွှတ်ကြ၏။

ယေရုရှ လင်မြို့က ခရစ်ယာန်တွေ သူ့ကို ကြောက်ရွံ့ ကြတဲ့အခါ၊ သူ့ရဲ့ ခရစ်ယာန် မိတ်ဆွေ ဗာနဗက ကူညီ ရှင်းပြ ပေးခဲ့ ပါတယ်။

(တမန်တော် ၉၊ ၂၇-၂၈)|

ယေရုရှ လင်မြို့သို့ ရောက်သော အခါ၊ တပည့်တော် တို့နှင့် ပေါင်းဘော် မည်ပြုသော်၊ သူသည် တပည့်တော် ဖြစ်ကြောင်းကို တပည့်တော် အပေါင်းတို့သည် မယုံသဖြင့် သူ့ကို ကြောက်ရွံ့ ကြ၏။ ထိုအခါ ဗာနဗသည် သူ့ကို ခေါ်၍ တမန်တော် များထံသို့ ပို့ဆောင်ပြီး လျှင်၊ အထက်က ရှောလုသည် လမ်းခရီး၌ သခင် ဘုရား ကို မြင်သည် ဟူ၍၎င်း၊ သူ့အား မိန့်တော်မူသည် ဟူ၍၎င်း၊ ဒမာသက်မြို့၌ ယေရှု၏ နာမတော် ကို အမှီပြုလျက်၊ ရဲရင့်စွာ ဟောသည် ဟူ၍၎င်း ပြောလေ၏။ ထိုနောက်မှ ရှောလုသည် ယေရုရှ လင်မြို့၌ တမန်တော် တို့နှင့် ပေါင်းဘော်၍၊ သခင်ယေရှု၏ နာမတော်ကို အမှီပြု၍ ရဲရင့်စွာ ဟောလျက် နေ၏။

သူ့ကို တစ်ခါ တစ်ရံ ခရစ်တော် ကလွဲပြီး ဘယ်သူ့ အကူအညီမှ မယူဘဲ တစ်ကိုယ် တည်း လွတ်လွတ် လပ်လပ် ရပ်တည်နေ တယ်လို့ မြင်ကောင်း မြင်နိုင်ပါတယ်။ သို့သော် ယုံကြည်သူ အချင်းချင်း နီးနီး ကပ်ကပ် ရှိခဲ့ယင်၊ သူ့ရဲ့အမှုတော် ဆောင်ခြင်းအတွက် အခြားယုံကြည်သူ တွေကိုလည်း ဘုရားက အသုံးပြုနေ တာကို တွေ့မြင်ရမှာ ဖြစ်ပါတယ်။ ဘုရားသခင် အခြား ခရစ်ယာန်တွေ အားဖြင့် ပြောတဲ့ စကားကို လည်း သူခံယူတာ တွေကိုလည်း ရှိပါတယ်။ ဒါပေမဲ့ အဲဒီစကား တွေဟာ အမှန်တကယ် သန့်ရှင်းသော ဝိညာဉ်တော် ထံပါးက လာတဲ့ ဘုရားသခင်ရဲ့ သွန်သင် မိန့်ကြားတာ ဟုတ်မဟုတ် ကိုတော့ သူအမြဲ လေ့လာ သုံးသပ် စိစစ် တာကို လည်း တွေ့ရ ပါတယ်။ ကျွန်ုပ်တို့ အသက်တာမှာ အမှန်တကယ် လိုအပ်လာတဲ့ အခါ အခြား ယုံကြည် သူများကို ဘုရားသခင်က အသုံးပြုတတ် ပါတယ်။

နိဂုံး|-

အဆုံးသတ် အနေနဲ့ မေးခွန်း မေးကြ ရအောင်။ မိတ်ဆွေ ခရစ်တော်၌ ကြီးထွား နေပါသလား၊ ခရစ်တော် ကို ပိုပြီး သိကျွမ်းဖို့ ရှာဖွေလုပ် ဆောင်နေ ပါသလား၊ ကြီးထွား ရှင်သန်စေတဲ့ အရာတွေကို အမိအရ မလွတ် တမ်း ဆွဲကိုင် ထားပါ သလား၊ သက်သက် သာသာနဲ့ နေထိုင်နေ ပါသလား၊ ပဋိပက္ခ တွေကို ဘယ်လို ဖြေရှင်း နေပါ သလဲ၊ ခွင့်လွှတ် တတ်ဖို့ ဖြေလျှော့ဖို့ ဘုရားသခင် ထံပါးမှ သင်ယူ နေပါသလား၊ အခြား ခရစ်ယာန်များနဲ့ သင့်ရဲ့ ဆက်ဆံမှု အခြေအနေက ဘယ်လိုလဲ၊ သင့်ကို ယုံကြည် လက်ခံတဲ့ ခရစ်ယာန် တွေနဲ့ နီးကပ်စွာ ရင်းရင်းနှီးနှီး အသက် ရှင်ဖို့ ရှာဖွေနေပြီလား၊ အခြား ခရစ်ယာန်တွေရဲ့ ဆုတောင်းပေးခြင်း၊ ပံ့ပိုးကူညီခြင်း၊ အားပေးခြင်း၊ အကြံဉာဏ် ပေးတာတွေကို အားထား တတ်ဖို့ သင်ယူနေ ပါသလား။

ဒီမေးခွန်း အားလုံးကို Yes လို့ဖြေနိုင် တယ်ဆိုယင်၊ သင့်ရဲ့ ယုံကြည်ခြင်း ကြီးထွားရှင် သန်နေ တယ်လို့ ဆိုနိုင် ပါတယ်။ No လို့ဖြေမယ်ဆိုယင်တော့၊  သင့်ဘဝမှာ ကြီးထွား ရှင်သန်ဖို့ လုပ်စရာတွေ ကျန်နေ ပါသေးတယ်။ သင့်အနေနဲ့ မေးဖို့ ဆန္ဒရှိတယ် ဆိုယင်ဖြင့် ဘုရား သခင်က သူကိုယ် တိုင်ဖြစ်စေ၊ အခြား ခရစ်ယာန် မိတ်ဆွေ များအားဖြင့် ဖြစ်စေ သင့်ကို အကူ အညီ ပေးသွားပါ လိမ့်မယ်။ အထက် က အခြေအ နေတွေ သင့်မှာ လုံး၀ မရှိသေး ဘူးဆိုယင် တော့၊- ABC စကားလုံး သုံးလုံးနဲ့ အစပြု လုပ် ဆောင်ပါလို့ အားပေး ချင်ပါတယ်။

အင်္ဂလိပ် အက္ခရာ A,B,C နဲ့ မှတ်ယူ စေလို ပါတယ်။

Admit (ဝန်ခံခြင်း၊ လက်ခံခြင်း) မိမိကိုယ်ကို ဘုရားအား ဆန့်ကျင်တဲ့ အပြစ်သားလို့ လက်ခံပါ၊ ဝန်ခံပါ။

(သမ္မာ ကျမ်း စာက လူသား တိုင်းဟာ အပြစ်သား ဖြစ်တယ်လို့ ဖေါ်ပြထား ပါတယ်)

Believe (ယုံကြည်) ယေရှုကို ဘုရား သခင်ရဲ့သားတော် လို့ ယုံကြည်ပါ။

(သူ့ရဲ့ အသေခံခြင်း ကြောင့် သင်အပြစ်သား ဘဝကနေ လွတ်မြောက် ခွင့်ရကြောင်း၊ သင့်ကို ထမြောက် စေသော ဘုရားရှင် ဖြစ်ကြောင်း ယုံကြည်ပါ)

Confess (အပြစ် ဝန်ခံ၊ ဝန်ချ) သင့်ဘ၀ အသက်တာရဲ့ ဦးဆောင် လမ်းပြ ပေးမယ့် ခေါင်းဆောင် အဖြစ် ခရစ်တော် ကို အပြစ် ဝန်ချပါ။

ဒီသုံးမျိုး (Admit, Believe, Confess) ကို သင့်အနေနဲ့ ဘယ်အချိန်၊ ဘယ်နေရာ မှာပဲဖြစ်ဖြစ် လုပ်ဆောင် နိုင်ပါတယ်။ ခရစ်တော်၌ ကြီးထွား ရင့်ကျင်သော ခရစ်ယာန် များဖြစ် ကြပါစေဟု ဆန္ဒ ပြုလျှက်…

ဝိညာဉ်မီးအိမ်(ခရစ်ယာန်စာပေစုစည်းမှု)…

  

(Zawgyi)

ခရစ္ယာန္ ဘယ္လို ျဖစ္လာ တာလဲ၊ အခ်ဳိ႕က ဘိုးဘြား ဘီဘင္ ကတည္းက ခရစ္ယာန္ေတြ ျဖစ္လို႔ ခရစ္ယာန္ ျဖစ္လာတာ၊ တခ်ဳိ႕ ၾကေတာ့ အိမ္ေထာင္ ျပဳလို႔ ခရစ္ယာန္ ျဖစ္လာတာ၊ အခ်ဳိ႕ၾကေတာ့ ဧ၀ံေဂလိ တရားေၾကာင့္ ခရစ္ယာန္ ျဖစ္လာ တာ ဆိုၿပီး မတူ ကြဲျပားတဲ့ ပံုစံေတြ  အမ်ားႀကီး ေတြ႕ရပါ လိမ့္မယ္။ အေရးႀကီး တာက သင္ ဘယ္ပံု ဘယ္နည္းနဲ႔ ခရစ္ယာန္ ျဖစ္လာတာလဲ (ခရစ္ယာန္ အသက္တာကို ရရွိခဲ့ တာလဲ)။ သမၼာက်မ္းစာထဲမွာ (တမန္ ၁၁း၂၆)| “ခရစ္ယာန္” ဆိုတဲ့ ေ၀ါဟာရဟာ ခရစ္ေတာ္ရဲ႕ သြန္သင္ခ်က္ အတိုင္း လိုက္ေလွ်ာက္ အသက္ရွင္ သူေတြကို တပါးသူေတြက မွဲ႔တြင္ ေခၚဆိုတဲ့ နာမ္မည္ ျဖစ္ပါတယ္။ အဓိပၸါယ္က “ခရစ္ေတာ္ရဲ႕ ေနာက္လိုက္” (Follower of Christ) လို႔ အဓိပၸါယ္ ရပါတယ္။

ဘြဲ႕နဲ႔ ရာထူး ဆိုတာ ဂုဏ္အရွိန္ အ၀ါကို ထုတ္ေဖၚ ျပသတာထက္ အရည္အခ်င္းကို ရည္ၫႊန္း တာျဖစ္ သလို၊ ခရစ္ယာန္ ဆိုတဲ့ နာမ္မည္ထက္ ခရစ္ယာန္ ဆိုတဲ့ နာမ္မည္နဲ႔ ထိုက္တန္တဲ့ အသက္ရွင္မႈ စံႏႈန္းေတြနဲ႔ ျပည့္မီ ေနဖို႔က ပိုၿပီး အေရးႀကီးလွ ပါတယ္။ ကနဦး အသင္းေတာ္ ေခတ္ကာလ တုန္းက ဘိုးေဘးေတြ ဘယ္လိုပံုစံနဲ႔ ခရစ္ယာန္ ျဖစ္လာ ၾကသလဲ၊ ဓမၼသစ္က်မ္း ထဲမွာ ေတြ႕ႏိုင္ ပါတယ္။ ခရစ္ယာန္လို႔ အေခၚခံရယင္ (သို႔) အေခၚခံခ်င္ယင္ ကိုယ့္မွာ ဒီနာမ္မည္နဲ႔ ထိုက္တန္တဲ့ အသက္တာမ်ဳိး ရွိေနဖို႔ လိုပါတယ္။

သင္ ဘယ္လို နည္းနဲ႔ဘဲ ျဖစ္လာျဖစ္လာ သင့္အသက္ တာမွာ ေအာက္ပါ အခ်က္ေတြနဲ႔ ျပည့္စံု ခဲ့ရဲ႕လားလို႔ ကိုယ့္ကိုယ္ကို ေမးသင့္ ပါတယ္|-

(၁) ကိုယ့္ကိုယ္ကုိ အျပစ္သား ျဖစ္ေၾကာင္း အမွန္တကယ္ သိၿပီး ၀န္ခံခဲ့ရဲ႕လား၊-

(၂) ကိုယ့္လုပ္ခဲ့တဲ့ အျပစ္ေတြ အတြက္ အမွန္တကယ္ ေနာင္တရ ခဲ့ရဲ႕လား၊-

(၃) အဲဒီအျပစ္ ေတြကို တကယ္ဘဲ ႐ြံရွာ ခဲ့ရဲ႕လား၊-

(၄) ေသျခင္း တရားေၾကာင့္ မိမိဟာ အျပစ္တရားရဲ႕ ေက်းကြ်န္ျဖစ္ေၾကာင္း လံုး၀ သေဘာေပါက္ ခဲ့ရဲ႕လား၊-

(၅) အျပစ္ေက်းကြ်န္ ဘ၀ကေန လံုး၀ လႊတ္ေျမာက္လိုစိတ္ ျပင္းျပ ခဲ့ပါရဲ႕လား၊-

(၆) ကိုယ့္အျပစ္ေတြကို ခရစ္ေတာ္ ေယ႐ႈထံ ေနာင္တစိတ္နဲ႔ တိုး၀င္ခ်ဥ္းကပ္ ၀န္ခ်ေတာင္းပန္ ၿပီးၿပီလား၊-

(၇) ခရစ္ေတာ္ေယ႐ႈဟာ ကိုယ့္ဘ၀ကို အျပစ္ထဲက ကယ္တင္ေပးတဲ့ ကယ္တင္ရွင္ အျဖစ္ လက္ခံၿပီးၿပီလား၊-

(၈) ခရစ္ေတာ္ရဲ႕ စကားေတာ္ကို နာခံလိုက္ေလွ်ာက္တဲ့ အသက္တာသစ္နဲ႔ အစျပဳ အသက္ရွင္ ခဲ့ပါသလား၊-

(မွတ္ခ်က္|- ဒီအခ်က္ ေတြဟာ ဒုတိယေမြးျခင္း ခံယူမယ့္သူရဲ႕ ေရွ႕ေျပး ေဆာင္႐ြက္ ရမယ့္ အခ်က္ေတြ ျဖစ္ သလို၊ ႏွစ္ျခင္းဆရာ ေယာဟန္ အေနနဲ႔ စိတ္ေျပာင္း လဲၿပီးတဲ့၊ ေနာင္တရ ၀န္ခံၿပီးတဲ့ သူေတြကိုပဲ ႏွစ္ျခင္း မဂၤလာ ေပးခဲ့သလို၊ ႏွစ္ျခင္း အသင္းေတာ္ေတြ အေနနဲ႔လည္း ဒီအတိုင္းပဲ က်င့္သံုးေနတာ ျဖစ္ပါတယ္ (မသဲ ၃း၅-၈)။ (တနည္း ေျပာရယင္ ႏွစ္ျခင္းမဂၤလာ ခံယူလို႔ ခရစ္ယာန္ ျဖစ္လာတာ မဟုတ္ပါဘူး၊ ခရစ္ယာန္ ျဖစ္လို႔၊ ေျပာင္းလဲ ၿပီးလို႔၊ ေနာင္တရ ၿပီးလို႔သာ ႏွစ္ျခင္းမဂၤလာ ခံယူတာ ျဖစ္ပါတယ္)။ (မသဲ ၃း၁-၁၁)| “ငါသည္ ေနာင္တ အဘို႔ အလိုငွါ သင္တို႔ကို ေရႏွင့္ ဗတၱိဇံ ေပး၏။” ႏွစ္ျခင္း ဆရာေယာဟန္ ေျပာတဲ့၊ ေနာင္တနဲ႔ ဆိုင္တဲ့ ဗတၱိဇံ တရားျဖစ္ ပါတယ္။ ဒီလို ျဖစ္လာဖို႔- မိတ္ေဆြနဲ႔ ခရစ္ေတာ္ေယ႐ႈ နဖူးေတြ႕ ဒူးေတြ႕ ႀကံဳေတြ႕ဖုိ႔ လိုပါတယ္။

ဒုတိယေမြးျခင္းကိုခံေသာ ခရစ္ယာန္ဟူသည္

ဒုတိယ ေမြးျခင္းကို ခံေသာ ခရစ္ယာန္ဟူသည္ အဘယ္နည္း။ ဤေမးခြန္းကို ေယာဟန္ ၃း၁-၂၁ မွာ ေဖာ္ျပ ထားတဲ့ အေရးႀကီးတဲ့ အေၾကာင္းအရာနဲ႔ ေျဖဆိုႏိုင္ပါသည္။ ထင္ေပၚ ေက်ာ္ၾကားတဲ့ ဖာရိရွဲ၊ စိန္ဟဲဒရင္ အဖြဲ႔၀င္ ျဖစ္တဲ့ (ယုဒလူတို႔တြင္အရာရွိ) နိေကာဒင္နဲ႔ သခင္ေယရႈ ခရစ္ေတာ္ မ်က္ႏွာခ်င္းဆိုင္ စကားေျပာခဲ့ ပါတယ္။ ႏိုေကာဒင္က ညဥ့္အခ်ိန္မွာ သခင္ေယရႈဆီ လာခဲ့ပါတယ္၊ ေမးခြန္း ေမးျမန္းဖို႔ လာခဲ့တာ ျဖစ္ပါတယ္။ သခင္ေယရႈက နိေေကာဒင္အား ဤသို႔ေျပာခဲ့သည္။

ဒုတိယ ေမြးျခင္းကို မခံေသာ သူမည္သည္ကား ဘုရား သခင္၏ ႏိုင္ငံေတာ္ကို မျမင္ရဟု ငါအမွန္အကန္ ဆိုသည္။ နိေကာဒင္ကလည္း အသက္ႀကီးေသာ သူသည္ ေမြးျခင္းကို အဘယ္သို႔ ခံႏိုင္ပါမည္နည္း။ အမိ၀မ္းထဲသို႔ တဖန္၀င္၍ ေမြးျခင္းကို ခံႏိုင္ပါမည္ေလာဟု ေလွ်ာက္၏။ ေယရႈကလည္း ေရႏွင့္ ၀ိညာဥ္ေတာ္ မေမြးေသာသူ မည္သည္ကား ဘုရားသခင္၏ ႏိုင္ငံေတာ္သို႔မ၀င္ရဟု ငါအမွန္အကန္ဆို၏။ ဇာတိပကတိ ေမြးေသာအရာသည္ ဇာတိပကတိျဖစ္၏။ ၀ိညာဥ္ေတာ္ ေမြးေသာ အရာသည္ ၀ိညာဥ္ျဖစ္၏။ ဒုတိယေမြးျခငး္ ကိုခံရမည္ဟု ငါေျပာသည္ကို အံ့ၾသျခင္းမရွိႏွင့္ ……….“ (ေယာဟန္၃း၃-၇)

ဒုတိယ ေမြးဖြားျခင္း ဆိုတဲ့ စကားစုဟာ ၀ိညာဥ္ေတာ္အားျဖင့္ ေမြးဖြားျခင္းကို ဆိုလိုပါတယ္။ နိေကာဒင္ဟာ ဒုတိယ ေမြးဖြားျခင္းခံဖို႔ ေတာင့္တခဲ့သူ ျဖစ္ပါတယ္။ နိေကာဒင္ အေနနဲ႔ သူ႔ရဲ႕ႏွလံုးသား ေျပာင္းလဲဖို႔ လိုအပ္ပါတယ္။ အသစ္ေသာ ေမြးဖြားျခင္း၊ ဒုတိယအႀကိမ္ ေမြးဖြားျခင္းဆိုတာ ယံုၾကည္တဲ့ သူေတြကို ထာ၀ရအသက္ ေပးအပ္တဲ့ ဘုရားသခင္ရဲ႕ လုပ္ေဆာင္ခ်က္ ျဖစ္ပါတယ္။ တနည္းအားျဖင့္ ယံုၾကည္တဲ့ သူေတြကို ထာ၀ရအသက္ ေပးတာ ျဖစ္ပါတယ္။ (၂ေကာ ၅း၁၇၊ တိတု ၃း၅၊ ၁ေပ၊ ၁း၃၊ ၁ေယာ၊ ၂း၂၉၊ ၃း၉၊ ၄း၇၊ ၅း၁-၄၊ ၁၈)။ ဒုတိယ ေမြးျခင္းဟာ ေယရႈခရစ္ေတာ္၏  နာမေတာ္ကို ယံုၾကည္လို႔ ဘုရားသခင္ရဲ႕ သားျဖစ္ရတဲ့ အခြင့္ထူးကို ရရွိတာ ျဖစ္တယ္လို႔ (ေယာဟန္ ၁း၁၂၊၁၃) ထဲမွာ ေဖၚျပ ထား ပါတယ္။

လူတစ္ေယာက္ဟာ ဘာေၾကာင့္ ဒုတိယေမြးျခင္းခံဖို႔ လိုအပ္ ရတာလဲ။” ဆိုတဲ့ အေတြးအေခၚ တစ္ရပ္ ေပၚ ထြက္လာ ပါတယ္။ တမန္ေတာ္ေပါလုက (ဧဖက္၂း၁) ထဲမွာ “ထိုဒုစရိုက္ အျပစ္၌ ေသလ်က္ရွိ ေသာ သင္တုိ႔ကိုပင္ ဘုရားသခင္သည္ အသက္ရွင္ ေစေတာ္မူၿပီ” လို႔ ေဖာ္ျပထားပါတယ္။ ေရာမၿမိဳ႕မွာ ရွိတဲ့ ယံုၾကည္ သူေတြဆီ“အဘယ့္ ေၾကာင့္နည္း ဟူမူကား လူအေပါင္း တို႔သည္ ဒုစ႐ိုက္ကိုျပဳ၍ ဘုရား သခင္ေရွ႔ ေတာ္၌ အသားေရပ်က္ၾကၿပီ”(ေရာမ၊၃း၂၃)လို႔ တမန္ေတာ္က ဆိုထားပါတယ္။ ဒါေၾကာင့္ လူတစ္ေယာက္ အျပစ္ လႊတ္ျခင္း အခြင့္ ရရွိဖို႔နဲ႔ ဘုရားသခင္နဲ႔ မိတ္သ ဟာရဖြဲ႕ဖို႔ အခြင့္ အေရး ရရွိဖို႔အတြက္ ဒုတိယ ေမြးျခင္းခံဖို႔ လိုအပ္ပါတယ္။

ဒုတိယ ေမြးျခင္း ဘယ္လို ခံရမွာလဲ။ ဧဖက္ ၂း၈-၉ မွာ ”ယံုၾကည္ေသာအားျဖင့္ ေက်းဇူးေတာ္ေၾကာင့္ ကယ္တင္ျခင္းသို႔ေရာက္ရ၏။ ကိုယ္အလိုအေလ်ာက္ေရာက္သည္မဟုတ္၊ ဘုရားသခင္သနားေတာ္မူရာ ျဖစ္သတည္း။ ကုိယ္ကုသိုလ္ေၾကာင့္ ကယ္တင္ေတာ္မူျခင္းကို ေရာက္သည္မဟုတ္။ သို႔ျဖစ္၍ အဘယ္သူမွ် ၀ါႂကြား စရာအခြင့္မရွိ။ လို႔ ေဖၚျပ ထားပါတယ္။ လူတစ္ေယာက္ ကယ္တင္ျခင္း ခံရၿပီးဆိုတာနဲ႔ ဒုတိယ ေမြးျခင္း ကိုရရွိၿပီး၊ သန္႔ရွင္းေသာ ၀ိညာဥ္ေတာ္ရဲ႕ အသစ္ ျပဳျပင္ျခင္းကို ခံရျခင္း၊ အသစ္ ေမြးဖြားျခင္း ခံရျခင္းေၾကာင့့္္ ဘုရားသခင္၏ သားသမီး ျဖစ္ခြင့္ကို ရရွိေစပါတယ္။ အဲဒီကေန တဆင့္ ႀကီးထြား ရွင္သန္ဖို႔ လိုလာျပန္တယ္။

ဥပမာ|- တမန္ ေတာ္ႀကီး ရွင္ေပါလုရဲ႕ ဘုရားသခင္နဲ႔ နဖူးေတြ႕ ဒူးေတြ႕ သိကြ်မ္းခဲ့ေသာ အသက္တာ

(၁)ဘုရားသခင္ရဲ႕ ဆံုးမျခင္း ခံရ၊-

(၂)ေနာင္တရျခင္း၊ ၀န္ခံျခင္း၊ ယံုၾကည္ျခင္း၊အသက္တာေျပာင္းလဲျခင္း၊-

(၃)ဗတၱိဇံခံယူျခင္း၊-

(၄)သန္႔ရွင္းေသာ၀ိညာဥ္ေတာ္ခံရျခင္း၊-

ဒီအခ်က္ေတြ ကိုယ့္အသက္ တာမွာ ျပည့္စံုၿပီ ဆိုယင္ေတာ့ ၊ ခရစ္ယာန္ဘ၀ အစကို ရရွိၿပီလို႔ သတ္မွတ္ ႏိုင္ပါ တယ္။ ဒီအခ်က္ေတြ ျပည့္စံုလာတဲ့ ပံုစံခ်င္း၊ အခ်ိန္၊ အေၾကာင္းတရားေတြခ်င္း တစ္ေယာက္နဲ႔ တစ္ေယာက္ တူၾကမွာေတာ့ မဟုတ္ဘူး။ အခ်ဳိ႕က ခရစ္ေတာ္ကို ရွာရင္း ေတြ႕တယ္၊ အခ်ဳိ႕ၾကေတာ့ ခရစ္ေတာ္ ကိုယ္တိုင္က ေ႐ြးေကာက္ တာလည္း ရွိတယ္။ အခ်ဳိ႕ၾကေတာ့ တမဟုတ္ခ်င္း ေျပာင္းလဲ သြားတာမ်ဳိး ရွိသလို၊ အခ်ဳိ႕ေတြ ၾကေတာ့လည္း ေျဖးေျဖးခ်င္း ေျပာင္းလဲတယ္။ အျခား ေျပာင္းလဲတဲ့ ပံုစံေတြ အမ်ားႀကီး ရွိပါတယ္။ ဘယ္ပံုစံနဲ႔ ဘဲေျပာင္းလဲ ေျပာင္းလဲ၊ အထက္က (၈)ခ်က္နဲ႔ ျပည့္စံု တဲ့သူ ျဖစ္ဖို႔ အေရးႀကီး ပါတယ္။ 

ဒါကို ဒုတိယ ေမြးျခင္း လို႔ဆိုၿပီး၊ အဲဒီ အခ်က္ေတြနဲ႔ ျပည့္စံုတဲ့ သူေတြကိုမွ “ေရႏွစ္ျခင္းမဂၤလာ” ေပးၾကပါတယ္။ အဓိပၸါယ္က ေရႏွစ္ ျခင္း မဂၤလာ ခံယူလို႔ ေျပာင္းလဲ တာမဟုတ္ဘဲ၊ ေျပာင္းလဲၿပီးတဲ့သူ၊ ယံုၾကည္ၿပီးတဲ့ သူကိုသာ ေရႏွစ္ျခင္း မဂၤလာေပး တာျဖစ္ပါတယ္။ 

ကြ်ႏ္ုပ္တို႔ ဘယ္ပံု ဘယ္နည္းနဲ႔ ခရစ္ယာန္ ျဖစ္လာ ၾကတာလဲ? ကိုယ့္ကိုယ္ကို ျပန္ေမးၾကည့္ ၾကရေအာင္။ အဆင့္နဲ႔ ေျပာရယင္ ဒီအဆင့္ဟာ ခရစ္ယာန္ အသက္တာရဲ႕ အစလို႔ ဆိုႏိုင္သလို၊ ဒုတိယ ေမြးျခင္း (Born again) အသက္တာ လို႔လည္း ေျပာလို႔ရပါတယ္။

ေလာကမွာ သက္ရွိ မွန္ယင္ ရွင္သန္ျခင္း ရွိသလို၊ ႀကီးထြားျခင္း လည္းရွိပါတယ္။ ရွင္သန္ ေနေၾကာင္းကို ႀကီးထြားျခင္းနဲ႔ သက္ေသ ျပႏုိင္သလို၊ ႀကီးထြား ေနပါတယ္ ဆိုတာကလည္း သူရွင္သန္ ေနေၾကာင္းကို ေထက္ျပ ေနတာ ျဖစ္ပါတယ္။ ဒီလိုဘဲ ခရစ္ယာန္ အသက္တာဟာ ဒုတိယေမြးျခင္း ဆိုတဲ့ အ႐ြယ္မွာဘဲ ရပ္တန္႔ ေနတဲ့ အသက္တာ မဟုတ္ပါဘူး။ ကေလး တစ္ေယာက္ ေမြးကင္းစအ႐ြယ္ ကေန ႀကီးထြား မလာဘဲ ဒီအတိုင္း ဒီအတိုင္းပဲ ရွိေန ပါ့မလား၊၊ အသက္တာ ဆိုတာ တစ္ေန႔ထက္ တစ္ေန႔ ႀကီးထြား ေနရမွာ ျဖစ္ပါတယ္။ ဒါေၾကာင့္ ခရစ္ယာန္ ျဖစ္လာယင္ ကိုယ့္ရဲ႕ ခရစ္ယာန္ အသက္တာ အစဥ္ ႀကီးထြား ရွင္သန္ေနဖို႔ သိပ္ကို အေရးႀကီးပါတယ္။

(ဧဖက္ ၄း၁၃-၁၅)မွာ|-

ငါတို႔ရွိသမွ်သည္ ယံုၾကည္ျခင္း သို႔၄င္း၊ ဘုရားသခင္၏ သားေတာ္ကို သိကြ်မ္းျခင္း သို႔၄င္း၊ တညီတ ညြတ္ တည္း ေရာက္၍၊ ခရစ္ေတာ္၏ ျပည့္စံုျခင္း ပမာဏအရပ္ တည္းဟူေသာ ႀကီးရင့္ေသာ လူ၏အျဖစ္ သို႔ ေရာက္ၾက သည္တိုင္ေအာင္ ျဖစ္သတည္း။ အေၾကာင္းမူကား သူတပါးတို႔သည္ လူပရိယာယ္ႏွင့္ အျပစ္ သို႔ ေသြးေဆာင္ ျခင္းငွါ လွည့္ျဖား ေျပာဆို သျဖင့္၊ ငါတို႔သည္ ေနာက္တဖန္ ခပ္သိမ္းေသာ ၾသ၀ါဒေလ တိုက္၍ ဖရိုဖရဲ႕ လြင့္သြား ေသာသူငယ္ မျဖစ္ဘဲလ်က္၊ ေမတၱာစိတ္ႏွင့္ သမၼာတရားကို ေဟာေျပာသျဖင့္၊ ဦးေခါင္း တည္း ဟူေသာ ခရစ္ေတာ္မွာ အရာ အရာ တို႔၌ ႀကီးပြါးၾကမည္ အေၾကာင္း တည္း။

ခရစ္ယာန္အသက္တာ ရွင္သန္ႀကီးထြားဖို႔|-

(၁)    ယံုၾကည္ျခင္း

(၂) ဘုရားသခင္၏ သားေတာ္ကို သိကြ်မ္းျခင္း

ႏွစ္ရပ္ဟာ အေရးႀကီးတဲ့ အုပ္ျမစ္ေတြဘဲ ျဖစ္သလို၊ “တညီတၫြတ္တည္းေရာက္၍” လို႔ေဖၚျပ ထားတဲ့ အတြက္၊တစ္ခုနဲ႔ တစ္ခု အျပန္ အလွန္ ကိုင္းကြ်န္းမွီ ကြ်န္းကိုင္းမီွ ေနသလို၊ မွ်တမႈ ရွိေနဖို႔လည္း လိုပါတယ္။ ခရစ္ယာန္ ဆိုတဲ့ ခရစ္ေတာ္ရဲ႕ တပည့္ေတာ္ ျဖစ္ျခင္းဟာ၊ Faith ဆိုတဲ့ ယံုၾကည္မႈနဲ႔ အေျခခံ တည္ေဆာက္ ထားတဲ့၊ အေဆာက္အဦ ျဖစ္ပါတယ္။ တနည္းေျပာရယင္ Faith ယံုၾကည္ျခင္း မရွိဘဲ ခရစ္ ယာန္ (ခရစ္ေတာ္ရဲ႕ တပည့္) မျဖစ္ပါဘူး၊ ျဖစ္လို႔ မရပါဘူး။ ယံုၾကည္ျခင္းလို႔ ေျပာယင္၊ ဘာကိုယံု တာလဲ၊ ဘယ္လို ယံုတာလဲ ဆိုတာ ကလည္း အေရးႀကီးသလို၊ ခိုင္ၿမဲသထက္ ခိုင္ၿမဲတဲ့ ယံုၾကည္ျခင္း ျဖစ္ဖို႔ ရွင္သန္ ႀကီးထြားေနတဲ့ ယံုၾကည္ျခင္း ျဖစ္ေအာင္ ပ်ဳိးေထာင္ ျပဳစုတာေတြ အဆက္ မျပတ္ လုပ္ေဆာင္ ရမွာျဖစ္ ပါတယ္။ ရွင္သန္ႀကီး ထြားတဲ့ ယံုၾကည္ ျခင္းျဖစ္ဖို႔၊ ကိုယ့္ဘ၀ ကိုယ့္အသက္ တာကို ခရစ္ေတာ္နဲ႔ နဖူးေတြ႕ ဒူးေတြ႕ လက္ေတြ႕ က်က် အသက္ရွင္ ရမွာ ျဖစ္ပါတယ္။ ႏႈတ္ကပတ္ေတာ္မွာ ယံုၾကည္ျခင္းနဲ႔ ပတ္သက္ၿပီး ကနဦး ခရစ္ယာန္ေတြ အေၾကာင္းကို ေဖၚျပ ထားပါတယ္ (ေဟၿဗဲ ၁၁း)။ အဲဒီအထဲက ဂိေဒါင္ရဲ႕ ယံုၾကည္ ျခင္း အေၾကာင္းကို ေလ့လာၾကည့္ ၾကပါစို႔|-

ဖတ္ရန္ (တရားသူႀကီး ၇း၁-၂၅)|- …

ရန္သူေတြကို တိုက္ဖို႔ ဂိေဒါင္ကို ဘုရားလုပ္ခိုင္းတဲ့ နည္းက ကိုယ့္ေသ တြင္း ကိုယ္တူး တဲ့နည္း ျဖစ္ေန ေပမယ့္၊ ဂိေဒါင္က ဘုရားခိုင္းတဲ့ အတိုင္း ယံုၾကည္ ျခင္းနဲ႔ လုပ္ေဆာင္ ခဲ့တာ ေတြ႕ရပါလိမ့္မယ္။ ဘုရား ခိုင္းတဲ့ နည္းက လူ႔အေနနဲ႔ ၾကည့္ယင္ ဘယ္လိုမွ မလုပ္သင့္ တဲ့နည္း ျဖစ္ေနခဲ့ပါတယ္။ ဒါေၾကာင့္ ရွင္သန္ ႀကီး ထြားတဲ့ ခရစ္ယာန္ အသက္တာ ဆိုတာ..

(၁) ကိုယ့္ဆႏၵ ကိုယ့္အလို ျပည့္၀ဖို႔ ဘုရားက လုပ္ေပးမယ္လို႔ ယံုၾကည္ျခင္း ကို ဆိုလိုတာလား

(၂) ဘုရားရဲ႕ အလိုေတာ္ ျပည့္စံုဖို႔၊ ဘုရားခိုင္းေစတဲ့ အရာကို ယံုၾကည္ စိတ္ခ်စြာနဲ႔ လုပ္တာလား 

ဒီႏွစ္ခု ကြဲကြဲျပားျပား နားလည္ သေဘာေပါက္ၿပီး လုပ္ေဆာင္ တတ္ဖို႔ေတာ့ လိုပါတယ္။

တမန္ေတာ္ႀကီးရွင္ေပါလုရဲ႕အသက္တာပံုရိပ္|-

(တမန္ေတာ္ ၉း၂၀-၃၁)

ေယရႈသည္ ဘုရားသခင္၏ သားေတာ္ျဖစ္ ေၾကာင္းကို တရားစရပ္တို႔၌ မဆိုင္းမလင့္ ေဟာေလ၏။ ၾကားေသာ သူအေပါင္း တို႔သည္ အံ့ၾသ၍၊ ဤသူကား၊ ထိုသခင္ကုိ ပဌနာျပဳေသာ သူတို႔ကို ေယရုရွ လင္ၿမိဳ႔၌ ဖ်က္ဆီးသည္ သာမက၊ ထိုသူမ်ားကို ခ်ည္ေႏွာင္၍ ယဇ္ပုေရာ ဟိတ္အႀကီး တို႔ထံသို႔ ပို႔ေဆာင္ျခင္းငွါ ဤအရပ္သို႔ လာေသာ သူျဖစ္သည္ မဟုတ္ေလာ ဟု ဆိုၾက၏။ ေရွာလုသည္ လည္း အားတိုး ပြားသျဖင့္ ဒမာသက္ၿမိဳ႔၌ ေနေသာ ယုဒ လူတို႔သည္ ေျပာသမွ်ေသာ စကားကို ေခ်၍၊ ေယရႈသည္ ခရစ္ေတာ္ ျဖစ္ေၾကာင္းကို ထင္ရွား စြာျပ၏။ ကာလၾကာ ျမင့္ၿပီးမွ ေရွာလုကို သတ္အံ့ေသာငွါ၊ ယုဒလူ တို႔သည္ အခ်င္းခ်င္း တိုင္ပင္ၾက၏။ ထိုအႀကံ အစည္ကို ေရွာလု သည္သိ၏။ သူ႔ကိုသတ္ အံ့ေသာငွါ ၿမိဳ႔တံခါး တို႔ကို ေန႔ညဥ့္မျပတ္ ေစာင့္ၾကေသာ ေၾကာင့္၊ တပည့္ေတာ္ တို႔သည္ ညဥ့္အခါ သူ႔ကိုယူ၍ ေတာင္း၌ ထည့္ၿပီးလွ်င္ ၿမိဳ႔ရိုးေပၚက ေလ်ာ့ခ်ၾက၏။ ေယရုရွ လင္ၿမိဳ႔ သို႔ေရာက္ေသာ အခါ၊ တပည့္ေတာ္ တို႔ႏွင့္ ေပါင္းေဘာ္ မည္ျပဳေသာ္၊ သူသည္ တပည့္ေတာ္ ျဖစ္ေၾကာင္းကို တပည့္ေတာ္ အေပါင္း တို႔သည္ မယံုသျဖင့္ သူ႔ကိုေၾကာက္ ရြံ႔ၾက၏။ ထိုအခါ ဗာနဗသည္ သူ႔ကိုေခၚ၍ တမန္ေတာ္ မ်ားထံသို႔ ပို႔ေဆာင္ၿပီး လွ်င္၊ အထက္ ကေရွာလုသည္ လမ္းခရီး၌ ဘုရားသခင္ ကို ျမင္သည္ ဟူ၍၎၊ သူ႔အား မိန္႔ေတာ္ မူသည္ ဟူ၍၎၊ ဒမာသက္ၿမိဳ႔၌ ေယရႈ၏ နာမေတာ္ကို အမွီျပဳလ်က္၊ ရဲရင့္စြာ ေဟာသည္ ဟူ၍၎ ေျပာေလ၏။ ထိုေနာက္မွ ေရွာလုသည္ ေယရုရွလင္ၿမိဳ႔၌ တမန္ေတာ္ တို႔ႏွင့္ ေပါင္းေဘာ္၍၊ သခင္ေယရႈ၏ နာမေတာ္ကို အမွီျပဳ၍ ရဲရင့္စြာေဟာ လ်က္ေန၏။ ေဟေလနစ္ လူတို႔ႏွင့္ ႏွီးေႏွာ ေျပာဆိုသျဖင့္၊ ထိုသူ တို႔သည္ ေရွာလု ကို သတ္မည္ဟု အား ထုတ္ၾက၏။ ထိုအေၾကာင္းကို ညီအစ္ကို တို႔သည္ ၾကားသိလွ်င္၊ ေရွာလုကို ကဲသရိၿမိဳ႔ သို႔ပို႔၍ တာရႈၿမိဳ႔ တိုင္ေအာင္ ေစလႊတ္ ၾက၏။ ထိုအခါ ယုဒျပည္၊ ဂါလိလဲျပည္၊ ရွမာရိျပည္ အရပ္ရပ္ တို႔တြင္ အသင္း ေတာ္တို႔သည္ ၿငိမ္သက္၍ တည္ေဆာက္ျခင္း ရွိၾက၏။ သခင္ ဘုရားကို ေၾကာက္ရြံ႔ျခင္း ၌င္း၊ သန္႔ရွင္းေသာ ဝိညာဥ္ေတာ္၏ အဆံုးအမ၌၎၊ ေမြ႔ေလ်ာ္ေသာ အားျဖင့္ ပြားမ်ားၾက၏။

ေရွာလုလို႔ အမည္နဲ႔ ေနထိုင္ အသက္ရွင္ ခဲ့သမွ်ကို ေနာင္တရၿပီး အသက္တာကို ပံုေအာကာ ခရစ္ေတာ္၌ အႂကြင္းမဲ့ ယံုၾကည္ ခဲ့သူ ျဖစ္ပါတယ္။ သူ႔ရဲ႕ အျပစ္ရွိသမွ်လည္း ခြင့္လႊတ္ျခင္း ခံရၿပီး၊ ခရစ္ေတာ္ကို သူ႔ဘ၀ရဲ႕ ဦးေဆာင္သူ အျဖစ္ ဖိတ္ေခၚ အပ္ႏွံခဲ့ပါတယ္။ အယင္ လားရာနဲ႔ ၁၈၀ ဒီဂရီ ဦးတည္ခ်က္ လားရာ ေျပာင္းၿပီး အသက္ရွင္ခဲ့သူ ျဖစ္ပါတယ္။

တမန္ေတာ္ႀကီး ရွင္ေပါလု ထံကေန သင္ခန္းစာ မ်ားစြာ သင္ယူရန္ရွိပါတယ္။ ေျပာင္းလဲၿပီးတဲ့ ေနာက္ပိုင္း လူကေတာ့ လူပါဘဲ။ ဒါေပမဲ့ ရွင္ေပါလု အသက္တာကို ဘုရားသခင္ ျပဳျပင္ေပး တာေတြကို ၾကည့္ယင္ တကယ့္ သူရဲေကာင္း ႀကီးတစ္ေယာက္ လိုပါဘဲ၊ တမန္ေတာ္ႀကီး ရွင္ေပါလု ေျပာတဲ့ စကားတစ္ခြန္း မွာက ဒါေတြ အားလံုးဟာ ဘုရားသခင္ လုပ္ေပးတာ သက္သက္ ျဖစ္ၿပီး၊ သူ႔အေနနဲ႔ ဘာကိုမွ ၿပီးေျမာက္ေအာင္ မလုပ္ ေဆာင္ႏိုင္ပါဘူးလို႔ ဆိုပါတယ္။ သူ႔ရဲ႕ အသက္တာကို ၾကည့္ယင္၊ သူ႔ရဲ႕ ကနဦး ခရစ္ယာန္ အသက္တာမွာ ေတြ႕ရတာက သူ႔ရဲ႕ ခရစ္ယာန္ အသက္တာဟာ ရပ္တန္႔မေနဘဲ  ႀကီးထြားမႈ အၿမဲ ျဖစ္ေပၚ ေနတာဘဲ ျဖစ္ပါ တယ္။ (ခရစ္ေတာ္ဟာ မိမိရဲ႕ အျပစ္ကို ခြင့္လႊတ္ ေပးတဲ့သူ၊ မိမိဘ၀ အသက္တာ သစ္ကို လမ္းျပေပး ေနတဲ့သူလို႔ လက္ခံတဲ့ သူတိုင္းရဲ႕ အသက္တာမွာ၊ မျဖစ္မေန ဆက္လက္ထိန္းသိန္း လုပ္ေဆာင္ေနရမယ့္ အရာကေတာ့ မိမိရဲ႕ခရစ္ေတာ္ အေပၚ ယံုၾကည္တဲ့ ယံုၾကည္ျခင္း ဆက္လက္ ႀကီးထြား ေနေစ ဖို႔ဘဲ ျဖစ္ပါတယ္)   

၀ိညာဥ္ေရးရာ ႀကီးထြားရင့္က်က္သူမ်ားထံမွ ေတြ႕ျမင္ရေသာ သြင္ျပင္လကၡဏာ(၄)ရပ္

(FOUR characteristics of someone who is growing spiritually)

၁။ခရစ္ယာန္ အသက္တာ ႀကီးထြား ေနသူဟာ ခရစ္ေတာ္ ဘယ္သူလဲ ဆိုတာ အၿမဲရွာေဖြ ေနသူ ျဖစ္ပါတယ္|       (A Growing Christian Always Seeks to Know Who Jesus Is) (အခန္းငယ္-၂၀)

ေယ႐ႈသည္ ဘုရားသခင္၏ သားေတာ္ျဖစ္ေၾကာင္းကို တရားစရပ္တို႔၌ မဆိုင္းမလင့္ ေဟာေလ၏။

တမန္ေတာ္ ရွင္ေပါလု အေနနဲ႔ ေယ႐ႈဟာ ဘုရားရဲ႕ သားျဖစ္ေၾကာင္း ခ်က္ခ်င္း စတင္ေႂကြးေၾကာ္ ပါတယ္။ ဆိုလိုတာက သူ႔အေနနဲ႔ ခရစ္ေတာ္နဲ႔ ပုဂၢိဳလ္ခ်င္း ေတြ႔ဆံု ၿပီးတဲ့ေနာက္ သူတတ္ႏိုင္တဲ့ အရာေတြ လုပ္တယ္၊ ဘုရားရဲ႕ မ်က္ေမွာက္ေတာ္ ေအာက္မွာ အခ်ိန္ရွိသ၍ ေနာက္လိုက္ တစ္ေယာက္ အေနနဲ႔ အသက္ရွင္ ခဲ့ပါတယ္။ (ဘာႀကီး ျဖစ္လာမွ/ ဘာႀကီးရမွ ဆိုတာ မရွိပါဘူး)။ သူ႔အေနနဲ႔ ခရစ္ေတာ္ကို ပိုၿပီးသိခြင့္ ရခဲ့တယ္။ ဒါေၾကာင့္ သူ႔အေနနဲ႔ ခရစ္ေတာ္ကို ဘာေၾကာင့္ ယံုၾကည္ကိုးစား ရသလဲဆိုတာ အျခားသူေတြကို နက္နက္နဲနဲ ျပန္ေျပာျပ ႏိုင္ခဲ့ပါတယ္။

တမန္ေတာ္ ရွင္ေပါလု အေနနဲ႔ ခရစ္ေတာ္ကို သိကြ်မ္းတဲ့ ရင္းႏွီးမႈဟာ ဒမသက္ၿမိဳ႕ သြားတဲ့ လမ္းေပၚမွာ ခရစ္ေတာ္နဲ႔သူ ပက္ပင္းတိုးခဲ့တဲ့ ျဖစ္ရပ္ေၾကာင့္ အကန္႔အသတ္ မရွိေလာက္ ေအာင္ပါဘဲ။ အဲဒီျဖစ္ပ်က္မႈ ေနာက္ပိုင္း ခရစ္ေတာ္ရဲ႕ အေၾကာင္းကို ေန႔တိုင္းေျပာေတာ့ တာပါဘဲ။ သူေရးသားခဲ့တဲ့ သူ႔ရဲ႕စာေစာင္ အခ်ဳိ႕မွာ ဆုေတာင္းတဲ့ အေၾကာင္းေတြကို ေရးထားပါတယ္။ သူ႔အေနနဲ႔ တစ္ဦးစီအတြက္ ၊ အသင္းေတာ္ ေတြ အတြက္၊ ဆုေတာင္း ေပးေနတဲ့ အေၾကာင္း၊ မျခားမလပ္ ဆုေတာင္းရမယ့္ အေၾကာင္းေတြ ေဖၚျပ ထား ပါတယ္။ ဒါေၾကာင့္ တမန္ေတာ္ႀကီး ရွင္ေပါလုရဲ႕ ရည္႐ြယ္ ခ်က္ဟာ အခြင့္အခါ ရသမွ် ခရစ္ေတာ္နဲ႔ နီးသထက္ နီးေအာင္ ေနရဖို႔ဘဲ ျဖစ္ပါတယ္။ ဒီလို ရည္႐ြယ္ခ်က္နဲ႔ အသက္ ရွင္ျခင္းဟာ သူ႔အေနနဲ႔ ခရစ္ေတာ္ ကို ပိုပိုၿပီး သိကြ်မ္းျခင္း ကို ျဖစ္ေစ ခဲ့ပါတယ္။ တမန္ေတာ္ႀကီး ရွင္ေပါလု အေနနဲ႔ ခရစ္ေတာ္ကို ပိုပို သိကြ်မ္းဖို႔ ရည္႐ြယ္ခ်က္ ရွိေနေၾကာင္းကို (ဖိလိပၸိ ၃း၁၀)|-မွာ ေတြ႕ႏိုင္ပါတယ္။

သို႔ေသာ္လည္း ငါ၏အက်ဳိးစီပြါးကို ျပဳစုေသာအရာရွိသမွ်တို႔ကို ရႈံးေစေသာအရာကဲ့သုိ႔  ခရစ္ေတာ္ေၾကာင့္ ငါထင္မွတ္၏။  ထိုသခင္ေၾကာင့္ ခပ္သိမ္းေသာအရာတို႔ကို အရႈံးခံရၿပီ။ ေသျခင္းမွထေျမာက္ ေသာအခြင့္ကို ငါရႏိုင္ေကာင္းလွ်င္၊ ကိုယ္ေတာ္သည္ အေသခံေတာ္မူသည္ နည္းတူ၊ ငါသည္လည္း အေသခံ၍ ထုိသခင္ ကို၎၊ ထေျမာက္ေတာ္မူျခင္း၏ တန္ခိုးကို၎၊ ဆင္းရဲခံေတာ္မူျခင္းကို ဆက္ဆံ၍ ခံျခင္းကို၎၊ သိကြၽမ္းျခင္းငွါ၊ ^၁ပညတ္တရားအားျဖင့္ ရေသာကိုယ္ေျဖာင့္မတ္ျခင္းကို မကိုးစားဘဲ၊ ခရစ္ေတာ္ကို ယံုၾကည္ျခင္းအားျဖင့္ရေသာ ေျဖာင့္မတ္ျခင္းတည္းဟူေသာ ယံုၾကည္ျခင္းအတြက္ ေၾကာင့္ ^၂ဘုရားသခင္ေပးေတာ္မူေသာ ေျဖာင့္မတ္ျခင္းကို ကိုးစားသျဖင့္၊ ခရစ္ေတာ္ကို အျမတ္ရ၍ ထိုသခင္၌ တည္ပါမည္အေၾကာင္း၊  ခပ္သိမ္းေသာအရာတို႔ကို မစင္ကဲ့သို႔ ငါထင္မွတ္၏။ 

တမန္ေတာ္ရွင္ေပါလု မ်က္ေမွာက္ျပဳေသာ (ပန္းတိုင္ထားေသာ) အရာမ်ား|

“I want to know ^၁Christ and ^၂the power of his resurrection and ^၃the fellowship of sharing in his sufferings, ^၄becoming like him in his death.”

ဒီစကားေတြကို အသက္ႀကီး ရင့္တဲ့ လူသား တစ္ေယာက္ အေနနဲ႔ဘဲ ျဖစ္ျဖစ္၊ ဘ၀ ဆံုးခန္းေရာက္ ေတာ့မယ့္ လူတစ္ ေယာက္ အေနနဲ႔ဘဲ ျဖစ္ျဖစ္ ေရးသား ခဲ့တာ ျဖစ္ပါတယ္။ သူဟာ ခရစ္ေတာ္ရဲ႕ အေစကို ႏွစ္ေပါင္း မ်ားစြာ ဆက္ကပ္ အေစခံခဲ့တဲ့ အသက္တာ ကို ေရက္ေန ေပမယ့္လည္း ခရစ္ေတာ္ကို ပိုၿပီးပိုၿပီး သိလိုတဲ့ သူ႔ရဲ႕ အႏၱိမ ရည္႐ြယ္ ခ်က္ကေတာ့ အသက္ ေသဆံုးတဲ့ အထိ ဆက္ၿပီး ရွိေနေသးတာ ေတြ႕ႏိုင္ပါတယ္။

ခရစ္ေတာ္ သင္သိသလား ဆိုတာထက္၊ ခရစ္ေတာ္ကို သိလိုပါသလား ဆိုတဲ့ ေမးခြန္းက ကြ်ႏ္ုပ္တို႔ကိုယ္ ကြ်ႏ္ုပ္တို႔ ေမးသင့္ပါတယ္။ ကြ်ႏ္ုပ္တို႔ ခရစ္ေတာ္ကို သိၿပီးပါၿပီလို႔ ေျဖခဲ့ယင္၊ ကြ်ႏု္ပ္တို႔အေနနဲ႔ ခရစ္ေတာ္ရဲ႕ အေၾကာင္း အကုန္အစင္ သိတဲ့ သေဘာကို ဆိုလိုတာ ျဖစ္ပါလိမ့္မယ္။ တကယ္ေတာ့ ခရစ္ေတာ္ အေၾကာင္းကို အကုန္ အစင္ သိဖို႔ ႏွစ္ေပါင္း(၁၀၀၀) ကြ်ႏ္ုပ္တို႔ အသက္ရွင္ခြင့္ ရယင္ေတာင္ မျဖစ္ႏိုင္ပါဘူး၊ ဘာေၾကာင့္လဲ ဆိုေတာ့ ခရစ္ေတာ္ရဲ႕ အေၾကာင္းဟာ စစ္၍မကုန္ႏိုင္တဲ့ ဘုရားရဲ႕ သားေတာ္ ျဖစ္လို႔ပါဘဲ။ သမုဒၵရာ ထဲကေရကို ကုန္ေအာင္ ေရပံုး တစ္ပံုးနဲ႔ ခပ္ေနတာနဲ႔ တူပါတယ္။ ဘုရားသခင္ရဲ႕ အေၾကာင္း အျပည့္အစံုကို ဘုရားသခင္ထံ ကြ်ႏု္ပ္တို႔ေရာက္မွဘဲ သိရပါလိမ့္မယ္။

ဘယ္လိုပဲ ျဖစ္ျဖစ္ စိတ္ဓါတ္ က်စရာမလိုပါဘူး၊ ဒီလို အသက္ရွင္ျခင္း အားျဖင့္ ခရစ္ေတာ္ ကလည္း ကြ်ႏ္ုပ္တို႔ကို ေက်းဇူးသိ တတ္တဲ့ သူဆိုၿပီး သူ႔အေၾကာင္းကို ပိုၿပီး သိခြင့္ေပးမွာ ျဖစ္ပါတယ္။

ႀကီးထြား ရွင္သန္တဲ့ ခရစ္ယာန္ တစ္ေယာက္ ဆိုယင္ ခရစ္ေတာ္နဲ႔ ပုဂိၢဳလ္ခ်င္း (တမန္ေတာ္ရွင္ေပါလုကဲ့သို႔) သိကြ်မ္းဖို႔ ရည္႐ြယ္ခ်က္ ထားရွိ အသက္ရွင္ ရပါလိမ့္မယ္။ ႀကီးထြား ရွင္သန္တဲ့ ခရစ္ယာန္ တစ္ေယာက္ရဲ႕ ဒုတိယ သြင္ျပင္လကၡဏာကေတာ့ မိမိအသက္ တာကို ခရစ္ေတာ္၌ ႀကီးထြား ရွင္သန္လိုၿပီး၊ ဘုရား သခင္မိမိကို ျဖစ္ေစလိုတဲ့ ပံုစံအတိုင္း အသက္ရွင္ဖို႔ ဆႏၵရွိေန တတ္ျခင္းဘဲ ျဖစ္ပါတယ္။

၂။ခရစ္ယာန္ အသက္တာ ႀကီးထြားေနသူဟာ ႀကီးထြားမႈႏွင့္ ဆိုင္သမွ်ကို အမိအရ ဖမ္းဆုပ္သူ|     

(A Growing Christian Embraces the Growth Process) (အခန္းငယ္-၂၂-၂၃က)

(တမန္ေတာ္ ၉း၂၂)|ေရွာလု သည္လည္း အားတိုးပြားသျဖင့္ ဒမာသက္ ၿမိဳ႔၌ ေနေသာ ယုဒ လူတို႔သည္ ေျပာသ မွ်ေသာ စကားကို ေခ်၍၊ ေယရႈသည္ ခရစ္ေတာ္ ျဖစ္ေၾကာင္းကို ထင္ရွားစြာျပ၏။

တမန္ေတာ္ ရွင္ေပါလုဟာ နိသရည္း ဆရာလည္းျဖစ္၊ ဖာရိရွဲလည္းျဖစ္တဲ့ ဂါမေလ်လ လက္ေအာက္မွာ ေနၿပီး သင္ၾကားမႈေတြ ခံယူခဲ့ရရံုမက အျခားကေနလည္း သင္ၾကားမႈ ေတြရခဲ့တဲ့သူ ျဖစ္ခဲ့ေပမဲ့လည္း၊ အဲဒါအရာ အားလံုးရဲ႕ တစ္ဖက္မွာရွိတဲ့ ဘုရားသခင္ရဲ႕ စီမံကိန္းအတြက္ ပံုစံသြင္းျခင္း ခံလိုက္ရတဲ့ လူတစ္ဦး ျဖစ္လာခဲ့ ပါတယ္။ ေနာက္ပိုင္း တမန္ေတာ္ ရွင္ေပါလုဟာ ဘုရား သခင္ရဲ႕ ႏႈတ္ကပတ္ေတာ္ကို ထူးကဲစြာ နားလည္ လာခဲ့ ပါတယ္။ သန္႔ရွင္းေသာ ၀ိညာဥ္ေတာ္က သူ႔အသက္တာထဲ ဥာဏ္ပညာကို ယူေဆာင္လာ ေပးပါတယ္၊ တမန္ေတာ္ ရွင္ေပါ လုဟာ ေမရွိယ ေယ႐ႈ ခရစ္ေတာ္ အားျဖင့္ လူသားေတြကို အျပစ္မွ လႊတ္ျခင္း၊ နဂိုမူရင္း လူသားဘ၀ကို ျပန္လည္ရရွိ ေစဖို႔အတြက္ ဘုရားရဲ႕ အစီအစဥ္ကို ကြ်မ္းက်င္ပိုင္ႏိုင္စြာ သဲႀကီးမဲႀကီး ေ၀မွ်ႏိုင္ တဲ့သူ ျဖစ္လာ ခဲ့ပါတယ္။

တမန္ေတာ္ႀကီး ရွင္ေပါလု အေနနဲ႔ အဲဒီအခ်ိန္ အဲဒီအခါဟာ ဘုရားသခင္ သူ႔ရဲ႕ အသက္တာကို ျပဳျပင္ ေနတယ္ ဆိုတာကို သိရံုမွ်မက သူ႔အားျဖင့္ ဘုရားသခင္ လုပ္ေဆာင္မယ့္ အရာေတြကိုလည္း မလႊတ္တမ္း အမိအရ ဖမ္းဆုပ္ ထားခဲ့သူ ျဖစ္ပါတယ္။

(အခန္းငယ္ ၂၃)| မွာေဖၚျပထားတဲ့ “ကာလာ ၾကာျမင့္ၿပီးမွ” ဆိုတဲ့ က်မ္းစကားကို က်မ္းပညာရွင္ အခ်ိဳ႕က ကေရေတနဲ႔ ဒမသက္ၿမိဳ႕ေတြမွာ တမန္ေတာ္ရွင္ေပါလု ေနခဲ့တဲ့ (၃)ႏွစ္တာ ကာလကို ေျပာတာလို႔ ယံုၾကည္ ၾကပါတယ္။ အဲဒီအေတာအတြင္ တမန္ေတာ္ႀကီး ဘာလုပ္ခဲ့သလဲ?၊ အခ်ဳိ႕က လူသူေ၀းရာ ေနရာမွာ သြားေနတယ္၊ သူ႔ရဲ႕ အတိတ္က အမွားေတြအတြက္ အရင္တုန္းက သူနဲ႔တြဲခဲ့တဲ့ သူေတြနဲ႔ ေ၀းရာကို ထြက္သြားတယ္၊ ဘုရားရဲ႕ ေရွ႕ေတာ္ေမွာက္မွာ ဆုေတာင္းျခင္း၊ ၀တ္ျပဳျခင္းနဲ႔ အခ်ိန္ယူခဲ့တယ္၊ ေမရွိယခရစ္ ေတာ္နဲ႔ ပတ္သက္ၿပီး သူ႔ရဲ႕ဓမၼအေတြး အေခၚကို ျပန္ဆင္ျခင္ တယ္လို႔ ယံုၾကည္ ၾကပါတယ္။ ဒီအခ်က္ေတြ အားလံုးဟာ သံသယ စိတ္၀င္စရာ မရွိေပမယ့္၊ မွန္ပါတယ္ လို႔လည္း သက္ေသျပစရာ မရွိပါဘူး။ ကေရေတ ဆိုတာ ဒမသက္ၿမိဳ႕ရဲ႕ တံတိုင္းဆီ သြားတဲ့လမ္း တေလွ်ာက္ တိုးခ်ဲ႕ထားတဲ့ နယ္ပယ္ တစ္ခု ျဖစ္ပါတယ္။ တမန္ေတာ္ ရွင္ေပါလု အေနနဲ႔ အဲဒီကာလမွာ ပုန္းေရွာင္ ေနတာလည္း ျဖစ္ပံုမရပါဘူး။ ေယ႐ႈဟာ ဘုရားသခင္ ဂတိေတာ္ထားတဲ့ ေမရွိယျဖစ္ေၾကာင္း၊ ေနာင္တတရား ရဖို႔လိုၿပီ ျဖစ္ေၾကာင္း၊ ဘုရားသခင္ကို ေခၚဖိတ္ၾကဖို႔၊ မိမိတို႔ရဲ႕ အသက္တာေတြကို အဲဒီသခင္ဆီမွာ ဆက္သပုံအပ္ ၾကဖို႔ ေကရေတ ၿမိဳ႕သူၿမိဳ႕သား ေတြကို ေျပာျပဖို႔ အတြက္ ဆက္သြား ခဲ့တာ ျဖစ္ပါတယ္။

တမန္ေတာ္ႀကီးရွင္ေပါလုဟာ အဲဒီ(၃)ႏွစ္တာ ကာလမွာ လူသူ ကင္းေ၀းရာဆီ သြားၿပီး ဘုရားနဲ႔ မိတ္သဟာယ ဖြဲ႕ဖို႔ လိုအပ္သလို၊ ေကရေတၿမိဳ႕သူၿမိဳ႕သားေတြဆီ အမႈေတာ္ သြားေဆာင္တယ္ ဆိုတာေတြထက္၊ အဓိက ကြ်ႏ္ုပ္ တို႔ သင္ယူရမယ့္ အခ်က္က သူ႔ကို ႀကီးထြား ရွင္သန္တဲ့သူ ျဖစ္ဖို႔ ဘုရားသခင္ အလိုေတာ္ ရွိေန ေၾကာင္းကို သူအေနနဲ႔ ေကာင္းေကာင္းႀကီး သိရွိနားလည္ ေနျခင္းပဲ ျဖစ္ပါတယ္။ သူဟာ ႀကီးထြား ရင့္က်က္မႈနဲ႔ ဆိုင္တဲ့ စနစ္ အဆင့္ဆင့္နဲ႔ သူ႔ကို ဘုရားသခင္ ေပးသနား ေတာ္မူတဲ့ ဆုေက်းဇူး ေတြကို တတ္မက္ စြဲလန္းျခင္း မ်ားစြာနဲ႔ မလြတ္တမ္း ဖမ္းဆုပ္ ထားတဲ့ သူလည္း ျဖစ္ပါတယ္။ ဖင့္ႏြဲ႕မႈ မရွိဘဲ ဧ၀ံေဂလိ သတင္းေကာင္းကို စတင္ေ၀ငွ ခဲ့ပါတယ္။ သူ႔အသက္ တာကို ဘုရား ဘာမ်ား အလိုေတာ္ရွိလဲ ဆိုတာကို သူေကာင္းေကာင္းႀကီး သိခဲ့ပါတယ္။ ေနာက္ဆံုး ခရစ္ေတာ္ အတြက္ မာတုရအျဖစ္ အသက္ေပးဆပ္ အသက္ရွင္ခဲ့သူ ျဖစ္ခဲ့ပါတယ္။

မိတ္ေဆြေကာ ဘယ္လိုလဲ?၊ ဘယ္လို ေနရာမွာ ႀကီးထြား ရွင္သန္ ေနပါသလဲ?၊ သင့္အသက္ တာကို ဘုရားသခင္ ျဖစ္ေစလိုတဲ့ အသက္တာ၊ သေဘာထား၊ ခံစားခ်က္နဲ႔ အသက္ရွင္ ေနပါသလား?၊ သခင္ ခရစ္ေတာ္ အေၾကာင္းကို ေ၀ငွပါသလား?၊ ကြ်ႏ္ုပ္အားလံုးကို တမန္ေတာ္ေတြ၊ ပေရဖက္ေတြ၊ ဧ၀ံေဂလိ အမႈေတာ္ ေဆာင္ေတြ (သို႔) သင္းအုပ္ေတြ၊ က်မ္းစာပို႔ခ်သူေတြ အျဖစ္ ဘုရားသခင္ ေခၚယူ ထားတာ မဟုတ္ပါဘူး။ ခရစ္ေတာ္ရဲ႕ သက္ေသခံေတြ ျဖစ္ဖို႔သာ ေခၚယူထား တာျဖစ္ ပါတယ္။ ကြ်ႏ္ုပ္တို႔ အသက္တာမွာ ခရစ္ေတာ္ ဘုရား ဘာေတြလုပ္ ေဆာင္ေပး သြားသလဲ ဆိုတာကို သက္ေသခံ ႏုိင္ပါတယ္။ ခရစ္ေတာ္ ဘုရားဟာ လူသား အားလံုးရဲ႕ ေမွ်ာ္လင့္ရာ ျဖစ္ေၾကာင္း ေ၀ငွႏိုင္ပါတယ္။ သင့္ကို ဘုရားေပး ထားတဲ့ ဆုေက်းဇူး ေတြကို သင္တကယ္ အသံုးျပဳ အသံုးခ် ေနရဲ႕လား၊ တိုးတက္မႈ ေတြေကာ ဘယ္ေလာက္ ရွိလာၿပီ လဲ?၊  သင္အဲဒီ ဆုေက်းဇူး ေတြကို အသံုးမျပဳဘူး ဆိုယင္ေတာ့၊ အဲဒီ ဆုေက်းဇူး ေတြကို သင္ျပန္လည္ ဆံုး႐ံႈးခံရ ႏိုင္ပါတယ္။ ႀကီးထြား ရွင္သန္ဖို႔ ဆႏၵေနရွိယင္၊ ခရစ္ေတာ္နဲ႔ ရင္းႏွီးအကြ်မ္းတ၀င္ ျဖစ္ဖို႔ အစဥ္အၿမဲ လုပ္ေဆာင္ၾကပါ၊ သန္႔ရွင္းေသာ ၀ိညာဥ္ေတာ္ အားျဖင့္ ကြ်ႏ္ုပ္တို႔ကို ေပးထားတဲ့ ဆုေက်းဇူး ေတြကို အသံုးျပဳ ၾကပါ၊ ႀကီးထြား ရွင္သန္ေစေသာ အရာမွန္သမွ်ကို အျပည့္အ၀ အမိအရ ဖမ္းဆုပ္ ရယူၾကပါ။ ႀကီးထြား ရွင္သန္ေစတဲ့ တတိယ လကၡဏာ ကေတာ့ ေဘးဒုကၡနဲ႔ ရင္ဆိုင္ ရျခင္း ျဖစ္ပါတယ္။

၃။ႀကီးထြား ရွင္သန္သူ တစ္ဦးဟာ ပဋိပကၡကို ကိုင္တြယ္ဖို႔ သင္ယူေန သူျဖစ္တယ္။

(A Growing Christian Learns How to Handle Conflict) (အခန္းငယ္-၂၃-၂၆၊၂၉)

တမန္ေတာ္ ရွင္ေပါလု လူေတြ ထံကေန ရင္ဆိုင္ ခဲ့ရတဲ့ အေျခအေန(၃)မ်ဳိး|-

က) ဒမသက္မွာ ရွိတဲ့ ဂ်ဴးေတြက သူ႔ကို သတ္ဖို႔ ႀကိဳးစား ခဲ့ၾက ပါတယ္။ (း၂၃) ကာလၾကာျမင့္ၿပီးမွ၊ ေ႐ွလုကို သတ္အံ့ေသာငွါ၊ ယုဒလူတို႔သည္ အခ်င္းခ်င္း တိုင္ပင္ၾက၏။ (း၂၄) ထိုအႀကံအစည္ကို ေရွာလု သည္ သိ၏။ (း၂၅) သူ႔ကိုသတ္ အ့ံေသာငွါ ၿမိဳ႕တံခါးတို႔ကို ေန႔ညဥ့္မျပတ္ ေစာင့္ၾက ေသာ ေၾကာင့္၊ (း၂၅) တပည့္ေတာ္ တို႔သည္ ညဥ့္အခါ သူ႔ကိုယူ၍ ေတာင္း၌ ထည့္ၿပီးလွ်င္ ၿမိဳ႕ရိုးေပၚက ေလွ်ာ့ခ်ၾက၏။

ခ)  ေယရု ရွလင္ၿမိဳ႕မွာ ရွိတဲ့ ခရစ္ယာန္ ေတြက ေပါလုကို ေၾကာက္႐ြံ႕ၿပီး လက္မခံၾကပါ။ (း၂၆) ေယရုရွလင္ ၿမိဳ႕သို႔ ေရာက္ေသာအခါ၊ တပည့္ေတာ္တို႔ႏွင့္ ေပါင္းေဘာ္မည္ျပဳေသာ္၊ သူသည္ တပည့္ေတာ္ျဖစ္ ေၾကာင္းကို တပည့္ေတာ္ အေပါင္းတို႔သည္ မယံုသျဖင့္ သူ႔ကို ေၾကာက္႐ြံ႕ၾက၏။

ဂ)  ေဟေလနစ္ လူေတြက သူ႔ကို သတ္ဖို႔ ႀကိဳးစား ၾကတာကို ရင္ဆိုင္ခဲ့ရပါတယ္။ (း၂၈-၂၉) သခင္ေယ႐ႈ၏ နာမေတာ္ကို အမွီျပဳ၍ ရဲရင့္စြာ ေဟာလ်က္ေန၏။ ^၁ေဟေလနစ္လူတို႔ႏွင့္ ႏွီးေႏွာ ေျပာ ဆိုသျဖင့္၊ ထိုသူတို႔ သည္ ေရွာလုကို သတ္မည္ဟု အား ထုတ္ၾက၏။

     ^၁(ေဟေလနစ္ဆိုတာ|- ေဟၿဗဲဆိုတာ ဂ်ဴးခရစ္ယာန္ေတြ ပါပဲ၊ အားလံုးလိုလို အာရမိ စကားေျပာ ၾကပါ တယ္။ ေဟေလနစ္ ဆိုတာကေတာ့ ဂ်ဴးခရစ္ယာန္ေတြ ျဖစ္ေပမယ့္လည္း ဂရိစကားကို ပဲေျပာၿပီး သူတို႔ကိုသူတို႔ ဂရိလူမ်ဳိး၊ တပါးအမ်ဳိးသား၊ ဂ်ဴးမဟုတ္ဘူးလို႔ စိတ္ထဲမွာ ခံယူအသက္ရွင္တဲ့ သူေတြ ျဖစ္ပါတယ္။ ဂရိစကားကိုပဲ ေျပာၿပီး၊ ဂရိဖက္ရွင္ကို၀တ္တဲ့၊ ကိုယ့္ကိုယ္ကို ဂ်ဴးလို႔မခံယူဘဲ၊ ဂရိလို႔ခံယူ သူေတြျဖစ္ၾကပါတယ္- တမန္ ၂၁း၂၈)

တမန္ ေတာ္ႀကီး ရွင္ေပါလုလို ခါးခါးသီးသီး မုန္းခံရတာ၊ စိုးရိမ္ တုန္လႈပ္ ေအာင္ ျငင္းပယ္ ခံရ တာမ်ဳိး သင္ရင္ ဆိုင္ရယင္ ဘယ္လို တုံ႔ျပန္မလဲ? ကိုယ့္ဘက္မွာ ရပ္တည္ မယ့္သူ တစ္ေယာက္မွ မရွိေတာ့တဲ့ အေျခအေနမ်ဳိး၊ အားလံုးက ကိုယ့္ကို နားလည္မႈ လြဲတဲ့ အခါမ်ဳိးမွာ သင္ဘယ္လို ျပန္ၿပီး တုံ႕ျပန္မလဲ။ အမ်ား အားျဖင့္ ေတာ့ ေဒါသစိတ္ မႈံယိုၿပီး အမွန္တရား ဆင္ျခင္တံု တရားေတြ ေပ်ာက္ၿပီး၊ ျပင္းျပင္း ထန္ထန္ ျပန္လည္ တံု႔ျပန္ တတ္ၾက ပါတယ္။ ႀကီးထြား ရင့္က်က္ ရွင္သန္ခ်င္တဲ့ ခရစ္ယာန္ေတြ အေနနဲ႔ ကေတာ့ ဆန္႔က်င္ဖက္ ျပဳသူေတြကို ေကာင္းမြန္တဲ့ တုံ႔ျပန္မႈေတြနဲ႔ တုံ႔ျပန္ၾကရမွာ ျဖစ္ပါတယ္။ ကိုယ္နဲ႔ ရင္းႏွီးတဲ့ မိတ္ေဆြရဲ႕ မဟုတ္ မမွန္ဘဲ စြပ္စြဲ အျပစ္တင္၊ ရိုးစြဲတာမ်ဳိး ခံရတဲ့အခါ အမ်ဳိးမ်ဳိး နည္းနဲ႔ ျပန္ၿပီး အျမင္မွန္ ရလာေအာင္ ႀကိဳးစားပါ။ ေနာက္ဆံုး ဘယ္လိုမွ မရႏိုင္တဲ့ အဆံုး၊ ႏႈတ္ကပတ္ေတာ္ ကေဖၚျပ ထားသလို သက္ေသ တစ္ေယာက္ ႏွစ္ေယာက္နဲ႔ နားလည္ေအာင္ ရွင္းျပႏိုင္ ပါ တယ္။ ဒီနည္းနဲ႔ အဆင္ မေျပယင္ အသင္းေတာ္ တစ္ပါးထဲကဆို သင္းအုပ္ဆရာနဲ႔ ညိွႏႈိင္းႏိုင္ ပါတယ္။ ဒါလို လုပ္လို႔ မရခဲ့ယင္လည္း သူ႔ကို ရန္သူလို သေဘာ မထားရ ပါဘူး၊ သူ႔ရဲ႕မေကာင္း ေၾကာင္းကိုလည္း အတင္း မေျပာပါနဲ႔။ မရႈံ႕ခ်ပါနဲ႔။ ကိုယ့္ကို မတရား လုပ္တဲ့သူဟာ ခရစ္ယာန္ ဘဲျဖစ္ျဖစ္၊ အျခားဘာ သာ၀င္ဘဲ ျဖစ္ျဖစ္ သူတို႔နဲ႔ ဘယ္လိုမွ ျပန္ၿပီး ေျပလည္ဖို႔ နည္းလမ္း မရႏို္င္တဲ့အဆံုး ခရစ္ေတာ္ သြန္သင္ထားတဲ့ နည္းလမ္းေကာင္း အတိုင္း လုပ္ေဆာင္ႏိုင္ ပါတယ္။ အဲဒီလမ္းလမ္းကို (မသဲ ၅း၄၄)မွာ ေဖၚျပထားပါတယ္။

(မသဲ ၅း၄၄)|-

ငါပညတ္သည္ကား၊ သင္တို႔သည္ ေကာင္းကင္ဘံု၌ ရွိေတာ္မူေသာ သင္တို႔အဘ၏ သားျဖစ္လိုေသာငွါ၊ သင္တို႔၏ ရန္သူတို႔ကို ခ်စ္ၾကေလာ့။ သင္တို႔ကို က်ိန္ဆဲေသာသူတို႔အား ေမတၱာပို႔ၾကေလာ့။ သင္တို႔ကို မုန္းေသာ သူတို႔အား ေက်းဇူးျပဳၾကေလာ့။ သင္တို႔ကို ေႏွာင့္ရွက္ညွဥ္းဆဲေသာ သူတို႔အဘို႔ ဘုရားသခင္ကို ဆုေတာင္းၾကေလာ့။

ကိုယ့္ကို မတရား ေျပာတဲ့သူ၊ မတရား ရိုးစြပ္တဲ့သူ၊ မတရား ရန္ရွာသူ၊ မုန္းတီး သူေတြကို ခြင့္မလႊတ္၊ တံု႔ျပန္ရန္ျပဳ မယ္ဆိုယင္ေတာ့၊ သတိလစ္ၿပီး ကိုယ့္ရဲ႕ ၀ိညာဥ္ေရးရာ ႀကီးထြား ရင့္က်က္မႈကို ခ်ိနဲ႔ သြားေအာင္ လုပ္လိုက္ သလို၊ ကိုယ္ကို တိုင္လည္း စာတန္ မာရ္နတ္ရဲ႕ အႏၵရယ္ စက္ကြင္း ေထာင္ေခ်ာက္ထဲ ၀င္မိ သြားသလို ျဖစ္သြားပါ လိမ့္မယ္။ ေနာက္တစ္မ်ဳိး ေျပာရယင္ ဒီလိုတံု႔ျပန္ ျခင္းဟာ ရန္သူ ျဖစ္တဲ့ စာတန္ မာရ္နတ္ကို ကိုယ့္အသက္တာ ကိုယ့္စိတ္ ႏွလံုးသားထဲ ၀င္ေရာက္လာဖို႔ ဖိတ္ေခၚ လုိက္သ လိုျဖစ္ၿပီး၊ ကိုယ့္ဘ၀ကို စာတန္ဆီမွာ အေျခခံ အုပ္ျမစ္ခ် အသက္ရွင္တဲ့ ပံုစံအျဖစ္ ေျပာင္းလဲ သြားေစတာ မ်ဳိးလည္း ျဖစ္သြား တတ္ပါ တယ္။

(ေဟၿဗဲ ၁၂း၁၅)|-

သင္တို႔တြင္ တစံုတေယာက္မွ် ဘုရားသခင္၏ ^၂ေက်းဇူးေတာ္ ကိုမရ ဘဲ မေနေစျခင္းငွါ၎၊ ^၁ခါးစြာေသာ  ပင္ျမစ္ေပါက္ ၍ သင္တို႔ေႏွာက္ ရွက္သျဖင့္၊ လူအမ်ား တို႔သည္ အျပစ္ႏွင့္ မညစ္ညဴးေစျခင္းငွါ၎၊

^၁(စာတန္ ျပဳစု ပ်ဳိးေထာင္ ေပးလိုက္တဲ့ အပင္၊ ကိုယ္တင္မက လူေတာ္ေတာ္ မ်ားမ်ားကိုေတာင္ အျပစ္နဲ႔ ညစ္ညဴး ေစတဲ့ အပင္မ်ဳိး၊ အသက္တာမ်ဳိး)

^၂(ေက်းဇူးေတာ္- ႀကီးထြားရင့္က်က္ ရွင္သန္ရန္ ၀ိညာဥ္ဆုေက်းဇူးမ်ား)

ဒီခါးတဲ့ အျမစ္ဟာ ရန္ကို ရန္ခ်င္း တုံ႔ျပန္တတ္တဲ့ အေစ့ငယ္ေလး ကေန သေႏၶတည္ အျမစ္စြဲ ႀကီးထြား လာေစ တာျဖစ္တတ္ ပါတယ္။ ဒီခါးသီးတဲ့ အျမစ္ကို ႀကီးထြား ရွင္သန္ဖို႔ ခြင့္ျပဳလိုက္ ယင္ေတာ့ အဲဒီ အျမစ္ခါးရဲ႕ အက်ဳိးသက္ ေရာက္မႈေတြဟာ ကမာၻႀကီးကို နာၾကင္မႈေတြ ျဖစ္ေစလာမယ္၊ ဒုကၡျပသနာ ေတြကို ေပၚေပါက္ လာေစမယ္၊ လူသား အာလံုးကိုလည္း မေကာင္းတဲ့ အက်ဳိး သက္ေရာက္ မႈေတြကို ခံစားေစမွာ ျဖစ္ပါတယ္။ သင့္ဘ၀ သင့္အ သက္တာမွာ အျမစ္ခါးေတြ ႀကီးထြားရွင္သန္ ေပါက္ပြား လာေစရံု သာမက၊ သင္ကေန တဆင့္ အျခားသူေတြရဲ႕ အသက္တာ ေတြထဲ ထပ္မံကူစက္ ပ်ံ႕ပြားသြား တတ္ပါတယ္။ ဒါေၾကာင့္ ဆုေတာင္းပါ၊ ခ်စ္ျခင္းေမတၱာ ထားၾကပါ၊ ခြင့္လႊတ္ ၾကပါ|-

၄။ႀကီးထြား ရွင္သန္ေသာ ခရစ္ယာန္ တစ္ဦးသည္ ယံုၾကည္ သူခ်င္း မီခို အားထားျခင္း ကို သင္ယူေန သူျဖစ္သည္။

(A Growing Christian Learns to Rely on Fellow Believers) (အခန္းငယ္-၂၅၊၃၀)|-

^၂၅တပည့္ေတာ္ တို႔သည္ ညဥ့္အခါ သူ႔ကိုယူ၍ ေတာင္း၌ ထည့္ၿပီးလွ်င္ ၿမိဳ႕ရိုးေပၚက ေလွ်ာ့ခ် ၾက၏။ ^၃၀ထိုအေၾကာင္း ကို ညီအစ္ကို တို႔သည္ ၾကားသိလွ်င္၊ ေရွာလုကို ကဲသရိၿမိဳ႕သို႔ပို႔၍ တာ႐ႈၿမိဳ႕ တိုင္ေအာင္ ေစလႊတ္ ၾက၏။.

ဒမသက္ၿမိဳ႕က ဂ်ဴေတြ သူ႔ကို သတ္ဖို႔ႀကိဳးစား ၾကတဲ့အခါ ၊ သူ႔ရဲ႕ခရစ္ယာန္ မိတ္ေဆြ မ်ားက ကူညီခဲ့ပါတယ္။ တပည့္ေတာ္ တို႔သည္ ညဥ့္အခါ သူ႔ကိုယူ၍ ေတာင္း၌ ထည့္ၿပီးလွ်င္ ၿမိဳ႕ရိုးေပၚက ေလွ်ာ့ခ်ၾက၏။ ထိုအေၾကာင္း ကို ညီအစ္ကို တို႔သည္ ၾကားသိလွ်င္၊ ေရွာလုကို ကဲသရိၿမိဳ႕သို႔ပို႔၍ တာ႐ႈၿမိဳ႕တိုင္ေအာင္ ေစလႊတ္ၾက၏။

ေယရုရွ လင္ၿမိဳ႕က ခရစ္ယာန္ေတြ သူ႔ကို ေၾကာက္႐ြံ႕ ၾကတဲ့အခါ၊ သူ႔ရဲ႕ ခရစ္ယာန္ မိတ္ေဆြ ဗာနဗက ကူညီ ရွင္းျပ ေပးခဲ့ ပါတယ္။

(တမန္ေတာ္ ၉း၂၇-၂၈)|

ေယရုရွ လင္ၿမိဳ႕သို႔ ေရာက္ေသာ အခါ၊ တပည့္ေတာ္ တို႔ႏွင့္ ေပါင္းေဘာ္ မည္ျပဳေသာ္၊ သူသည္ တပည့္ေတာ္ ျဖစ္ေၾကာင္းကို တပည့္ေတာ္ အေပါင္းတို႔သည္ မယံုသျဖင့္ သူ႔ကို ေၾကာက္႐ြံ႕ ၾက၏။ ထိုအခါ ဗာနဗသည္ သူ႔ကို ေခၚ၍ တမန္ေတာ္ မ်ားထံသို႔ ပို႔ေဆာင္ၿပီး လွ်င္၊ အထက္က ေရွာလုသည္ လမ္းခရီး၌ သခင္ ဘုရား ကို ျမင္သည္ ဟူ၍၄င္း၊ သူ႔အား မိန္႔ေတာ္မူသည္ ဟူ၍၄င္း၊ ဒမာသက္ၿမိဳ႕၌ ေယ႐ႈ၏ နာမေတာ္ ကို အမွီျပဳလ်က္၊ ရဲရင့္စြာ ေဟာသည္ ဟူ၍၄င္း ေျပာေလ၏။ ထိုေနာက္မွ ေရွာလုသည္ ေယရုရွ လင္ၿမိဳ႕၌ တမန္ေတာ္ တို႔ႏွင့္ ေပါင္းေဘာ္၍၊ သခင္ေယရႈ၏ နာမေတာ္ကို အမီွျပဳ၍ ရဲရင့္စြာ ေဟာလ်က္ ေန၏။

သူ႔ကို တစ္ခါ တစ္ရံ ခရစ္ေတာ္ ကလြဲၿပီး ဘယ္သူ႔ အကူအညီမွ မယူဘဲ တစ္ကိုယ္ တည္း လြတ္လြတ္ လပ္လပ္ ရပ္တည္ေန တယ္လို႔ ျမင္ေကာင္း ျမင္ႏိုင္ပါတယ္။ သို႔ေသာ္ ယံုၾကည္သူ အခ်င္းခ်င္း နီးနီး ကပ္ကပ္ ရွိခဲ့ယင္၊ သူ႔ရဲ႕အမႈေတာ္ ေဆာင္ျခင္းအတြက္ အျခားယံုၾကည္သူ ေတြကိုလည္း ဘုရားက အသံုးျပဳေန တာကို ေတြ႕ျမင္ရမွာ ျဖစ္ပါတယ္။ ဘုရားသခင္ အျခား ခရစ္ယာန္ေတြ အားျဖင့္ ေျပာတဲ့ စကားကို လည္း သူခံယူတာ ေတြကိုလည္း ရွိပါတယ္။ ဒါေပမဲ့ အဲဒီစကား ေတြဟာ အမွန္တကယ္ သန္႔ရွင္းေသာ ၀ိညာဥ္ေတာ္ ထံပါးက လာတဲ့ ဘုရားသခင္ရဲ႕ သြန္သင္ မိန္႔ၾကားတာ ဟုတ္မဟုတ္ ကိုေတာ့ သူအၿမဲ ေလ့လာ သံုးသပ္ စိစစ္ တာကို လည္း ေတြ႕ရ ပါတယ္။ ကြ်ႏ္ုပ္တို႔ အသက္တာမွာ အမွန္တကယ္ လိုအပ္လာတဲ့ အခါ အျခား ယံုၾကည္ သူမ်ားကို ဘုရားသခင္က အသံုးျပဳတတ္ ပါတယ္။

နိဂံုး|-

အဆံုးသတ္ အေနနဲ႔ ေမးခြန္း ေမးၾက ရေအာင္။ မိတ္ေဆြ ခရစ္ေတာ္၌ ႀကီးထြား ေနပါသလား၊ ခရစ္ေတာ္ ကို ပုိၿပီး သိကြ်မ္းဖို႔ ရွာေဖြလုပ္ ေဆာင္ေန ပါသလား၊ ႀကီးထြား ရွင္သန္ေစတဲ့ အရာေတြကို အမိအရ မလြတ္ တမ္း ဆြဲကိုင္ ထားပါ သလား၊ သက္သက္ သာသာနဲ႔ ေနထိုင္ေန ပါသလား၊ ပဋိပကၡ ေတြကို ဘယ္လို ေျဖရွင္း ေနပါ သလဲ၊ ခြင့္လႊတ္ တတ္ဖို႔ ေျဖေလွ်ာ့ဖို႔ ဘုရားသခင္ ထံပါးမွ သင္ယူ ေနပါသလား၊ အျခား ခရစ္ယာန္မ်ားနဲ႔ သင့္ရဲ႕ ဆက္ဆံမႈ အေျခအေနက ဘယ္လိုလဲ၊ သင့္ကို ယံုၾကည္ လက္ခံတဲ့ ခရစ္ယာန္ ေတြနဲ႔ နီးကပ္စြာ ရင္းရင္းႏွီးႏွီး အသက္ ရွင္ဖို႔ ရွာေဖြေနၿပီလား၊ အျခား ခရစ္ယာန္ေတြရဲ႕ ဆုေတာင္းေပးျခင္း၊ ပံ့ပိုးကူညီျခင္း၊ အားေပးျခင္း၊ အႀကံဥာဏ္ ေပးတာေတြကို အားထား တတ္ဖို႔ သင္ယူေန ပါသလား။

ဒီေမးခြန္း အားလံုးကို Yes လို႔ေျဖႏိုင္ တယ္ဆိုယင္၊ သင့္ရဲ႕ ယံုၾကည္ျခင္း ႀကီးထြားရွင္ သန္ေန တယ္လို႔ ဆိုႏိုင္ ပါတယ္။ No လို႔ေျဖမယ္ဆိုယင္ေတာ့၊  သင့္ဘ၀မွာ ႀကီးထြား ရွင္သန္ဖို႔ လုပ္စရာေတြ က်န္ေန ပါေသးတယ္။ သင့္အေနနဲ႔ ေမးဖို႔ ဆႏၵရွိတယ္ ဆိုယင္ျဖင့္ ဘုရား သခင္က သူကိုယ္ တိုင္ျဖစ္ေစ၊ အျခား ခရစ္ယာန္ မိတ္ေဆြ မ်ားအားျဖင့္ ျဖစ္ေစ သင့္ကို အကူ အညီ ေပးသြားပါ လိမ့္မယ္။ အထက္ က အေျခအ ေနေတြ သင့္မွာ လံုး၀ မရွိေသး ဘူးဆိုယင္ ေတာ့၊- ABC စကားလံုး သံုးလံုးနဲ႔ အစျပဳ လုပ္ ေဆာင္ပါလို႔ အားေပး ခ်င္ပါတယ္။

အဂၤလိပ္ အကၡရာ A,B,C နဲ႔ မွတ္ယူ ေစလို ပါတယ္။

 Admit (၀န္ခံျခင္း၊ လက္ခံျခင္း) မိမိကိုယ္ကို ဘုရားအား ဆန္႔က်င္တဲ့ အျပစ္သားလို႔ လက္ခံပါ၊ ၀န္ခံပါ။

(သမၼာ က်မ္း စာက လူသား တိုင္းဟာ အျပစ္သား ျဖစ္တယ္လို႔ ေဖၚျပထား ပါတယ္)

Believe (ယံုၾကည္) ေယရႈကို ဘုရား သခင္ရဲ႕သားေတာ္ လို႔ ယံုၾကည္ပါ။

(သူ႕ရဲ႕ အေသခံျခင္း ေၾကာင့္ သင္အျပစ္သား ဘ၀ကေန လြတ္ေျမာက္ ခြင့္ရေၾကာင္း၊ သင့္ကို ထေျမာက္ ေစေသာ ဘုရားရွင္ ျဖစ္ေၾကာင္း ယံုၾကည္ပါ)

Confess (အျပစ္ ၀န္ခံ၊ ၀န္ခ်) သင့္ဘ၀ အသက္တာရဲ႕ ဦးေဆာင္ လမ္းျပ ေပးမယ့္ ေခါင္းေဆာင္ အျဖစ္ ခရစ္ေတာ္ ကို အျပစ္ ၀န္ခ်ပါ။

ဒီသံုးမ်ဳိး (Admit, Believe, Confess) ကို သင့္အေနနဲ႔ ဘယ္အခ်ိန္၊ ဘယ္ေနရာ မွာပဲျဖစ္ျဖစ္ လုပ္ေဆာင္ ႏိုင္ပါတယ္။ ခရစ္ေတာ္၌ ႀကီးထြား ရင့္က်င္ေသာ ခရစ္ယာန္ မ်ားျဖစ္ ၾကပါေစဟု ဆႏၵ ျပဳလွ်က္…

၀ိညာဥ္မီးအိမ္(ခရစ္ယာန္စာေပစုစည္းမႈ)…