● အသင်းတော်နှင့်အစေခံဝန်ထမ်းခြင်း(The Church and Social Service) ...

ဘုရားသခင် ချ ပေးဘုရားသခင် ချပေးထားသော အလွန်လှပသည့် အမိ မြန်မာ ပြည်တွင် ပေါက်ဖွား လာကြသော ခရစ်ယာန်များသည် အမိ မြန်မာပြည် ခိုင်ခံ့တည်မြဲရေး၊ သာယာဝပြောရေးနှင့် ဘက်စုံ တိုးတက်ကြီးပွားရေး အတွက် တိုင်းပြည်နှင့် နိုင်ငံတော်၏ အစေကို ခံလျက် ၀န်ထမ်းခြင်း ကို ပြုလုပ်ရပါမည်။ ဤကိစ္စနှင့် စပ်လျဉ်းပြီး စဉ်း စားသော အခါ ထိုသဘော တရား၏ အနှစ်သာရကို ကျစ်ကျစ်လစ်လစ် ဖော် ထုတ်သော ''နိုင်ငံတော် သီချင်း'' (National Anthem)ကို သတိရမိပါသည်။ ကျွန်တော်တို့၏ နိုင်ငံတော်သီချင်းသည် အလွန်ကောင်း မွန် သော သီချင်းဖြစ်ပါသည်။ ကျွန်တော်သည် ဘာသာရေး အစည်းအဝေး များ တက်ရောက်ရန် ကမ္ဘာ့နိုင်ငံများစွာသို့ ရောက်ရှိပြီး၊ ထိုရောက်ရာ နိုင်ငံများ၏ နိုင်ငံတော်သီချင်းများကို ကြားဖူးခဲ့ပါသည်။ ထိုကဲ့သို့ ကြားဖူးရာတွင် မိမိနိုင်ငံ၏ နိုင်ငံတော်သီချင်းသည် အလွန်ကောင်း မွန်ကြောင်း ဂုဏ်ယူဝင့် ကြွား မိခဲ့သည်။ သံစဉ် (tune) အလွန်ကောင်း၏။ ကာရံကိုက်လျက် ကဗျာလည်း ဆန်လှပါသည်။ ထိုမျှမက ဤသီချင်းက ဖော်ထုတ် သော အကြောင်းအရာများသည် နက်နဲလျက် အနှစ်သာရ ရှိလှပါသည်။ ကျွန်တော့်အနေနှင့် ဤနိုင်ငံတော်သီချင်းအား အကြောင်းတစ်ခုခုကြောင့် ပြောင်း လဲမည်ကို အလွန်ပင် နှမြောမိပါသည်။ ဤနိုင်ငံတော်သီချင်းကို အပိုင်းလိုက်ခွဲလျက် အနှစ်သာရ ကို ဖော်ပြလို ပါသည်။

၁။ကမ္ဘာမကြေ မြန်မာပြည်......ဒို့ဘိုးဘွားအမွေစစ်မို့ ချစ်မြတ်နိုးပေ။

မှန်လှပါသည်။ မြန်မာပြည်သည် မှီတင်းနေထိုင်သော သူများ၏ စစ်မှန်သော ဘိုးဘွားအမွေပင် ဖြစ်သည်။ မွန်ခမာ (Mon-Khmer)၊ ထိုင်းရှမ်း(Thai-Shan)၊ တိဗက်မြန်မာ (Tebeto-Burman)ဟူ၍ အသုတ် လိုက် မြန် မာပြည်သို့ ရောက်ကြကာ ရေကြည်ရာမြက်နုရာကိုရှာ လျက် တောင်ပေါ်မြေပြန့်များတွင် အသက်မွေး ၀မ်းကြောင်း ရှာဖွေပြီး ဘေးစဉ်ဘောင်ဆက် ဆင်းသက်လာကြသူများ ဖြစ်ကြသည်။

သူတစ်ပါးတိုင်းပြည်ကို စစ်တိုက်လုယူ၍ အပိုင်သိမ်းပိုက်ရာမှ ဖွဲ့စည်းတည်ထောင်လာသော တိုင်းပြည် နှင့်နိုင်ငံတော်မဟုတ်ချေ။ ထို့ ကြောင့် ဤအမိမြန်မာပြည်၏ နယ်နမိတ်အတွင်းတွင် မှီတင်းနေထိုင်ကြ သော လူမျိုးတိုင်းသည် စိတ်ချမ်းသာဖို့လိုအပ်ပါသည်။ ဘိုးဘွားပိုင်မြေတွင် အသက်ရှင် လှုပ်ရှားနေကြသော သူများ ဖြစ်ကြသည်။ ကျီးလန့်စာ စားသကဲ့သို့ ကြောက်ရွံ့ထိတ်လန့်စရာ မလိုပါ။ ကမ္ဘာမကြေသ၍ တည်တံ့ ခိုင်မြဲမည်ဖြစ်သော ဤအမိမြန်မာပြည်တွင် မှီတင်းနေထိုင်ကြသည့်မြန်မာ ပြည်သူ၊ ပြည်သား အားလုံးတို့ သည် ငါတို့၏ ဘိုးဘွားအမွေ ဖြစ်သော တိုင်းပြည်တွင် သွားလာလှုပ်ရှားကာ အသက်ရှင်နေကြပါသဖြင့် စိတ်ချမ်း သာစွာ နေထိုင်ဖို့ရန် လိုပါသည်။ ထိုဘိုးဘွားအမွေဖြစ်သော တိုင်းပြည်တွင် နေထိုင် ကြသောကြောင့်လည်း တိုင်းပြည်နှင့် နိုင်ငံတော်၏ ကျေးဇူးကို သိရှိလျက် တိုင်းပြည်၏အစေကိုခံကာ နိုင်ငံတော်၏ ၀န်ကိုထမ်းခြင်းအား ဖြင့် ဤတိုင်းပြည်၊ ဤနိုင်ငံတော်အား အကျိုးပြုဖို့လိုအပ်ပါမည်။

၂။ပြည်ထောင်စုကို အသက်ပေးလို့.....ဒို့ကာကွယ်မယ်လေ....ဒါတို့ပြည် ဒါတို့မြေ ဒို့ပိုင်နက်မြေ

အထက်ပါ စာသားများသည် အထူးအနှစ်သာရရှိသော စာသားများဖြစ်ပါသည်။ ပထမဦးစွာ ပြည်ထောင်စု  ဟူသော စကားလုံးကို လေ့လာသုံးသပ်ပါမည်။ယနေ့ ပြည်ထောင်စု မြန်မာနိုင်ငံတော်တွင် မှီတင်းနေ ထိုင် သော ပြည်သူပြည်သားများသည် အေးအတူ၊ ပူအမျှ နေထိုင်နိုင်ရေး အတွက် (၁၁)ရာစုအစတွင် အနော်ရထာမင်း (၁၀၄၄-၁၀၇၇)က မြန်မာ ပြည်ဟူ၍ စတင်တည်ထောင်ခဲ့ပါသည်။ တစ်ဖန် ပြည်ထောင်စု ကြီး ပေါ်ပေါက်လာရန် ၁၉၄၇-ခုနှစ်၊ ဖေဖော်ဝါရီလ(၁၂)ရက်နေ့တွင် ရှမ်းပြည်နယ်တောင်ပိုင်း၊ ပင်လုံမြို့ ၌ မြန်မာပြည်အတွင်းရှိ တိုင်းရင်းသား လူမျိုးများ၏ လွတ်လပ်ရေး ဆုံးဖြတ်ချက်အရ သဘောတူ လက်မှတ် ရေးထိုးကြရာ မှ“ပြည်ထောင်စု  မြန်မာနိုင်ငံတော်'' ဖြစ်ပေါ်လေ သည်။  အမိမြန်မာပြည်တွင် နှစ်စဉ် ဖေဖော်ဝါရီလ(၁၂)ရက် နေ့တွင် ကျင်းပလေ့ရှိသော ပြည်ထောင် စုနေ့နေ့ထူး နေ့မြတ်ကြီး သည် ပြည်ထောင်စုကြီး ဖြစ်ပေါ်လာရန်အတွက် တိုင်းရင်း သားများ သဘောတူ လက်မှတ်ရေးထိုးသော ပင်လုံညီလာခံ သဘောတူ စာချုပ်ကို ဆက်လက်အတည်ပြု ထားသော နေ့ထူးနေ့မြတ် ပင်ဖြစ် သည်။ပြည်ထောင်စုကြီးသည် တိုင်းရင်းသား လူမျိုးများ (Ethnic Groups)အားလုံးက ပိုင်သော ပြည်ထောင်စု၊ ချစ်မြတ်နိုးသော ပြည် ထောင်စု ကြီး ဖြစ်လေသည်။ ထိုပြည်ထောင်စုကြီး တည်တံ့ခိုင်မြဲလျက် လူမျိုးစုများ ဥမကွဲသိုက်မပျက် နေထိုင်နိုင်ဖို့ရန် တိုင်းသူ ပြည်သားတိုင်းက အသက်ပေးကာကွယ်ရပါမည်။ ကာကွယ်ခဲ့ပြီ လည်း ဖြစ်ပါ သည်။ပြည်ထောင် စုကြီးပေါ်လာပြီး ''ပြည်ထောင်စုမြန်မာနိုင်ငံ''ဟု ကမ္ဘာ့အလယ်တွင် ထည်ထည် ၀ါဝါနှင့် ပေါ်လာပြီးသောအခါ ထိုပြည်ထောင်စုကြီးကို ဖြိုခွဲဖျက်ဆီးရန် ပြည်တွင်းပြည်ပ အဖျက်သမားရန်များကို အသက်ပေး လျက် ကာကွယ်ရာတွင် အခြားသော ဘာသာဝင်များနှင့်အတူ ခရစ် ယာန် ဘာသာဝင် ယုံကြည်သူများသည် ကာကွယ်ရေးဌာနမှနေ၍ အသက်ပေါင်း များစွာ ပေးလှူခဲ့ကြပါ သည်။ တိုင်းပြုပြည်ပြုလုပ်ငန်းများ တွင်ဖြစ်စေ၊ ပြည်ထောင်စုကြီးကို ကာကွယ်ရာတွင်ဖြစ်စေ ခရစ်ယာန်အ သင်း ၀င် ယုံကြည်သူများသည် တစ်ဦးချင်းအနေဖြင့် ပါဝင်ကာ တိုင်းပြည်ပေါ်၌ သစ္စာရှိစွာဖြင့် အသက် ပေး ခဲ့ပြီး ဖြစ်လေသည်။ ဂုဏ်ယူစရာကောင်းသော အချက်တစ်ခုမှာ ခရစ်ယာန်ဘာသာဝင် အသင်းတော်များ သည် အသင်းတော်အနေဖြင့် ပြည်ထောင်စုမြန်မာနိုင်ငံကို သစ္စာဖောက်ခြင်း၊ တော်လှန်ပုန်ကန်ခြင်းကို တစ်ခါမျှ မပြုလုပ်ခဲ့ပါ။ ထိုအချက်ကို နိုင်ငံတော်သမိုင်းက သက်သေထူ ပါသည်။ နောင်တွင်လည်း ထိုကဲ့ သို့ ပြုလုပ်မည်မဟုတ်ပါ။အကြောင်းမှာ ဤပြည်ထောင်စု မြန်မာနိုင်ငံတော်သည် ဘုရားသခင် ကပေးသော နိုင်ငံတော်၊ တက်လာသော အစိုးရနှင့် အာဏာပိုင်အဖွဲ့ အစည်းတိုင်းသည် ဘုရား သခင်ပေးသောခေါင်း ဆောင်များဖြစ် ကြောင်း ခရစ်ယာန်ဘာသာဝင်များက ယုံကြည် လက်ခံသော ကြောင့် ဖြစ် သည်။ ပြည်ထောင်စုကြီး တည်တံ့ခိုင်မြဲရန် ခရစ်ယာန်ဘာသာဝင်များ တို့သည် ကာကွယ်ရေးဌာန၌ ဖြစ်စေ၊ အခြားသောဌာနများ၌ဖြစ်စေ နိုင်ငံသားတစ်ဦးအနေဖြင့်သော်လည်းကောင်း၊ ယုံကြည်သူ ခရစ်ယာန်တစ်ဦးအနေဖြင့် သော်လည်းကောင်း၊ တာဝန်သိသိ၊ သစ္စာရှိရှိနှင့် တိုင်း ပြည်၏၀န်ကို ထမ်းခဲ့ကြပါသည်။ တိုင်းပြည်ပေါ်၌ ထားရှိသော သစ္စာ တရား၊ အစေခံဝန်ထမ်းခြင်းတရားတည်းဟူသော မွန်မြတ်သည့် အစဉ် အလာကောင်းကို ခရစ်ယာန်ဘာသာဝင်များက ရာသက်ပန် ထိန်းသိမ်းဖို့ လိုအပ်ပါသည်။ထိုနည်းတူစွာ တိုင်းပြည်၏ခေါင်းဆောင်များ၊ နိုင်ငံတော် အကြီး အကဲများကလည်း ခရစ်ယာန်တို့၏ တိုင်းပြည်အပေါ် သစ္စာရှိမှုကို အသိအမှတ်ပြုကာ ခရစ်ယာန်အသင်းတော်များအပေါ် သံသယကင်းဖို့ လိုအပ်ပါလိမ့်မည်။ လူနည်းစုဖြစ်သော ခရစ်ယာန်များအပါအ၀င် အခြားဘာသာဝင်များ၏ စစ်မှန်သောခံစားမှုနှင့် လိုအပ်မှုကို အတတ်နိုင် ဆုံး နားထောင်လျက် ကူညီမစကာ ဖြည့်ဆည်းပေးဖို့ရန် လိုအပ်ပါလိမ့် မည်။ ခရစ်ယာန် အသင်းတော်များ၏လိုအပ်မှုကို ထောက်ပံ့ကူညီပေးရန် နိုင်ငံတော်အစိုးရ မှလွဲ၍ အခြားသောအဖွဲ့အစည်း မရှိကြောင်းကို သတိမမေ့သင့်ပေ။

၃။ဒို့ပြည် ဒို့မြေ အကျိုးကို..ညီညာစွာ ဒို့တစ်တွေ....ထမ်းဆောင်ပါစို့လေ..ဒို့တာဝန်ပေ၊ အဖိုးတန်မြေ။

မှန်ပါသည်။ ခရစ်ယာန်များသည် လူသားများပင်ဖြစ်ပြီး နိုင်ငံသားများလည်းဖြစ်ပါသည်။ အသင်း တော်ပြုပြင်ရေး ၏ ဖခင်ဖြစ်သူ မာတင်လူသာ(၁၄၈၃-၁၅၄၆)က ခရစ်ယာန်များ သည် ကောင်း ကင်နှင့် မြေကြီးနှစ်ခု စလုံး၏ နိုင်ငံသားများ ဖြစ်ကြသည်။ (Christian are citizens of two kingdoms)ဟု မိန့်ဆိုခဲ့ဖူးပါသည်။ ထို့ကြောင့် အသင်း တော်များသည် တိုင်းပြည်၏အကျိုးကို ကျရာ ထောင့်မှနေ၍ သစ္စာရှိရှိနှင့် ထမ်းဆောင်ရမည် ဖြစ်ပါသည်။

အထက်ပါ စာသားများတွင် 'ညီညာစွာ တို့တတွေ' ဟူသော စာသားသည် အလွန် အရေးပါလှပါသည်။ ဒို့ပြည်ဒို့မြေ၏ အကျိုးကို ထမ်းဆောင်ရာတွင် ညီညီညာညာ ထမ်းဆောင်ရမည်ဟူသော သဘော ကို ဖော်ထုတ်ပါသည်။ ဆိုလိုသည်မှာ တိုင်းပြည်၏အကျိုး၊ နိုင်ငံတော်၏အကျိုး ကို သယ်ပိုးထမ်းဆောင်ရာ၌ လူမျိုးတစ်မျိုးတည်းက ထမ်းဆောင်ရန် လည်း မဟုတ်ပါ။ ပြည်ထောင်စု အတွင်းရှိ လူမျိုးအသီးသီး၊ ဘာသာ တရားအသီးသီးတို့မှ မိမိတို့၏ကျွမ်းကျင်ရာနယ်ပယ်၊ မိမိတို့တတ်ကျွမ်းရာ ကဏ္ဍမှနေ၍ လူမျိုးဘာသာမရွေး တက်ညီလက်ညီ အတူတကွ တိုင်းပြည် ၏ အကျိုးကို ဆောင်ရွက်ရန် ဖြစ်လေသည်။ အချုပ်အားဖြင့်ဆိုရသော် ခွန်အားယူ၍ နိုင်ငံသားတိုင်းသည် သစ္စာရှိစွာဖြင့် နိုင်ငံတော်၏ အစေကိုခံဖို့ လိုပါသည်။

ယုံကြည်သူ ခရစ်ယာန်တိုင်းအား အစေခံဝန်ထမ်းခြင်း (Service)ပြုလုပ်ရန် ဘုရားသခင်က အလိုတော် ရှိပါသည်။ ဘုရားသခင် ၏ အစေကိုခံခြင်း၊ အသင်းတော်၏အစေကိုခံခြင်း၊ လူသားများ၏ အစေကို ခံခြင်း၊ တောတောင်သဘာဝတို့၏ အစေကိုခံခြင်းနှင့် နိုင်ငံတော် ၏အစေကိုခံခြင်းတို့သည် ဘုရားသခင် အလိုတော်ရှိသော ၀န်ထမ်းခြင်း (Services)များဖြစ်ပါသည်။ မိမိကိုယ်ကျိုးကို စွန့်လျက်၊ ခရစ်ယာန်များက ၀န်ထမ်းရပါမည်။ ပျော်စရာမဟုတ်လျှင် စေရာမလုပ်လိုသော တစ်ကိုယ် ကောင်းစိတ်ကိုစွန့်၍ ခရစ်တော်၌ ရှိသော သဘောတော်ကို လက်ဝယ်ပိုက် ထားမှသာ ဘုရားသခင်၏အလိုတော်အတိုင်း အစေခံဝန် ထမ်းနိုင်ပါလိမ့် မည်။ (ဖိ၊ ၂း၅-၁၁)။

  

တဆင့်ကူးယူဖေါ်ပြခြင်း

https://www.facebook.com/notes/thang-no/အသင်းတော်နှင့်-အစေခံဝန်ထမ်းခြင်း-the-church-and-social-service/10150885434381899
 Dr. ဆိုင်မွန်ပေါင်ခန့်အင်း (မေတ္တာတမန်မဂ္ဂဇင်းတွင် ပါရှိသော အသင်းတော်နှင့် အစေခံဝန်ထမ်းခြင်း (THE CHURCH AND SOCIAL SERVICE) မှ ကောက်နှုတ်ချက်)

♦ ♦ ♦ ♦ ♦